Kirayə bazarında qiymətlər yenidən bahalaşacaq – Ekspertdən xəbərdarlıq
Bakıda kirayə mənzil bazarında qiymətlər yenidən artım tendensiyası göstərir. Xüsusilə yay mövsümündə paytaxta gələn tələbələrin, bölgələrdən işləmək üçün Bakıya üz tutan şəxslərin, eləcə də xarici vətəndaşların sayının artması kirayə mənzillərə tələbatı yüksəldib. Tələbin təklifdən çox olması qiymətlərə birbaşa təsir edir və bazarda bahalaşmanı sürətləndirir.
Daşınmaz əmlak və inşaat üzrə ekspert Elnur Azadov Median.Az-a açıqlamasında bildirib ki, bazarın ən ucuz dövrü məhz indidir:
“Bu, təxminən iyunun 15-dən iyulun sonunadək olan müddəti əhatə edir. Səbəb ondan ibarətdir ki, tələbələr böyük şəhərlərdən, xüsusilə Bakı, Sumqayıt və Gəncədən öz doğma rayonlarına qayıdırlar. Nəticədə kirayə mənzillər boşalır, bazarda təklif artır. Təklifin çox olduğu ərazilərdə qiymətlər də müəyyən qədər sabitləşir. Lakin avqustun ikinci yarısından oktyabrın əvvəlinə qədər bazarda həm qiymətlər yüksəlir, həm də uyğun mənzil tapmaq çətinləşir. Bu dövr kirayə bazarında istehlakçılar üçün daha problemli hesab olunur. Ona görə də hazırkı mərhələ kirayə mənzil axtaranlar üçün ən optimal vaxtdır”.
O deyib ki, bağ evləri bazarında isə vəziyyət əksinədir:
“İyulun 15-dən avqustun 15-dək olan müddət ən bahalı dövr sayılır. Bu zaman qiymətlər yerləşdiyi əraziyə və tələbat səviyyəsinə uyğun olaraq dəyişir. Bakı şəhərində ən ucuz kirayə mənzillər əsasən Abşeron, Türkan, Qobu və şəhərin kənarında yerləşən digər qəsəbə və kəndlərdə təklif olunur. Orta hesabla birotaqlı mənzillərin aylıq kirayə haqqı 200 manatdan başlayır. İkiotaqlı mənzillərin qiyməti buna yaxın olur. Üç və dördotaqlı evlərin kirayəsi isə təxminən 300 manatdan başlayır. Şəhər mərkəzinə yaxınlaşdıqca qiymətlər də artır. Hazırda ən yüksək kirayə qiymətləri Sea Breeze, Ağ Şəhər və Bakının mərkəzi hissəsində müşahidə olunur. Sea Breeze-də ən kiçik birotaqlı mənzillərin aylıq kirayə haqqı təxminən 1000 ABŞ dollarından başlayır. Ağ Şəhərdə və şəhərin mərkəzi hissəsində isə birotaqlı mənzillərin aylıq kirayə qiyməti 700 manatdan başlayır”.
Aysel Elnur
Daşınmaz əmlak və inşaat üzrə ekspert Elnur Azadov Median.Az-a açıqlamasında bildirib ki, bazarın ən ucuz dövrü məhz indidir:
“Bu, təxminən iyunun 15-dən iyulun sonunadək olan müddəti əhatə edir. Səbəb ondan ibarətdir ki, tələbələr böyük şəhərlərdən, xüsusilə Bakı, Sumqayıt və Gəncədən öz doğma rayonlarına qayıdırlar. Nəticədə kirayə mənzillər boşalır, bazarda təklif artır. Təklifin çox olduğu ərazilərdə qiymətlər də müəyyən qədər sabitləşir. Lakin avqustun ikinci yarısından oktyabrın əvvəlinə qədər bazarda həm qiymətlər yüksəlir, həm də uyğun mənzil tapmaq çətinləşir. Bu dövr kirayə bazarında istehlakçılar üçün daha problemli hesab olunur. Ona görə də hazırkı mərhələ kirayə mənzil axtaranlar üçün ən optimal vaxtdır”.
O deyib ki, bağ evləri bazarında isə vəziyyət əksinədir:
“İyulun 15-dən avqustun 15-dək olan müddət ən bahalı dövr sayılır. Bu zaman qiymətlər yerləşdiyi əraziyə və tələbat səviyyəsinə uyğun olaraq dəyişir. Bakı şəhərində ən ucuz kirayə mənzillər əsasən Abşeron, Türkan, Qobu və şəhərin kənarında yerləşən digər qəsəbə və kəndlərdə təklif olunur. Orta hesabla birotaqlı mənzillərin aylıq kirayə haqqı 200 manatdan başlayır. İkiotaqlı mənzillərin qiyməti buna yaxın olur. Üç və dördotaqlı evlərin kirayəsi isə təxminən 300 manatdan başlayır. Şəhər mərkəzinə yaxınlaşdıqca qiymətlər də artır. Hazırda ən yüksək kirayə qiymətləri Sea Breeze, Ağ Şəhər və Bakının mərkəzi hissəsində müşahidə olunur. Sea Breeze-də ən kiçik birotaqlı mənzillərin aylıq kirayə haqqı təxminən 1000 ABŞ dollarından başlayır. Ağ Şəhərdə və şəhərin mərkəzi hissəsində isə birotaqlı mənzillərin aylıq kirayə qiyməti 700 manatdan başlayır”.
Aysel Elnur
