Qayanada gəminin batması nəticəsində ölənlərin sayı 72-yə çatıb
Qayana xilasediciləri "MV Barima" bərəsinin qəzaya uğraması nəticəsində həlak olan 72 nəfərin cəsədini aşkar ediblər. Bundan əvvəl 53 qurban olması barədə məlumat verilmişdi.
Bu barədə ölkənin Baş naziri Mark Fillips sosial şəbəkədə məlumat yayıb.
"Aşkar edilən cəsədlərin sayı 72-yə çatıb, onlardan 65-nin şəxsiyyəti mərhumların qohumları tərəfindən artıq müəyyən edilib. Biz axtarış-xilasetmə əməliyyatını davam etdiririk", - deyə o qeyd edib.
Son məlumatlara görə, sərnişinlər və heyət üzvləri də daxil olmaqla 76 nəfər xilas edilib. Hökumətin daha öncə verdiyi məlumata əsasən, gəmidə ümumilikdə 179 nəfər olub.
Xatırladaq ki, "MV Barima" bərəsi iyulun 18-i gecə saatlarında Qayana sahillərində qəzaya uğrayıb. "VesselFinder" portalının məlumatına görə, 40 metrlik bu gəmi 1939-cu ildə inşa edilib. Qayana Prezidenti Məhəmməd İrfan Əli bərə qəzası ilə əlaqədar 22-24 iyul tarixlərini matəm günləri elan edib. O, həmçinin hökumətin faciənin səbəbləri ilə bağlı tam, hərtərəfli və müstəqil araşdırma aparılacağına söz verib.
Bu barədə ölkənin Baş naziri Mark Fillips sosial şəbəkədə məlumat yayıb.
"Aşkar edilən cəsədlərin sayı 72-yə çatıb, onlardan 65-nin şəxsiyyəti mərhumların qohumları tərəfindən artıq müəyyən edilib. Biz axtarış-xilasetmə əməliyyatını davam etdiririk", - deyə o qeyd edib.
Son məlumatlara görə, sərnişinlər və heyət üzvləri də daxil olmaqla 76 nəfər xilas edilib. Hökumətin daha öncə verdiyi məlumata əsasən, gəmidə ümumilikdə 179 nəfər olub.
Xatırladaq ki, "MV Barima" bərəsi iyulun 18-i gecə saatlarında Qayana sahillərində qəzaya uğrayıb. "VesselFinder" portalının məlumatına görə, 40 metrlik bu gəmi 1939-cu ildə inşa edilib. Qayana Prezidenti Məhəmməd İrfan Əli bərə qəzası ilə əlaqədar 22-24 iyul tarixlərini matəm günləri elan edib. O, həmçinin hökumətin faciənin səbəbləri ilə bağlı tam, hərtərəfli və müstəqil araşdırma aparılacağına söz verib.
