İsrail parlamenti (Knesset) payız seçkisi ərəfəsində özünü buraxmaq barədə qərar qəbul edib.

Bu barədə "The Times of Israel" nəşri məlumat yayıb.

Sözügedən qanun layihəsi hakim koalisiyanı təmsil edən 62 deputatın səsini toplayıb. Müxalifət düşərgəsi isə bu səsvermədə iştirakdan çəkinərək bitərəf mövqe sərgiləyib.

Qanunverici orqanın yeni tərkibi oktyabr ayının 27-nə planlaşdırılan növbəti parlament seçkisinin yekunlarına əsasən formalaşacaq. Ölkə vətəndaşları ümumilikdə 120 deputatın seçilməsində iştirak edəcəklər. Hökuməti qurmaq və parlamentdə üstünlük qazanmaq məqsədilə siyasi qüvvələrə minimum 61 mandat tələb olunur.

Xatırladaq ki, Benyamin Netanyahu 2009-2021-ci illər aralığında İsrail hökumətinin başçısı kimi fəaliyyət göstərib və 2022-ci ildə yenidən bu vəzifəyə təyinat alıb. Siyasətçi qarşıdan gələn seçkidə də "Likud" partiyasının rəhbəri qismində öz namizədliyini irəli sürməyi planlaşdırır.

Onun ən böyük rəqibi qismində İsrail Müdafiə Ordusunun (SAXAL) sabiq Baş Qərargah rəisi, müxalif "Yaşar" blokunun nümayəndəsi Qadi Ayzenkot çıxış edir. Keçirilən son rəy sorğularının nəticələrinə əsasən, seçicilərin rəğbəti baxımından Ayzenkot Netanyahuya nisbətdə kiçik fərqlə üstünlüyə malikdir.скачать dle 11.3