Aliment verməyən kişi arvadının telefonunu oğurlayıb satdı
Ağsuda kişi arvadının mobil telefonunu satdığı üçün həbs edilib.
Hadisə rayonun Kəndoba kəndində baş verib.
Kənd sakini 1990-cı il təvəllüdlü Ceyhun Badamov (ad və soyad şərtidir) içki düşkünü olduğundan ailəsində problem yaranıb. O, mütəmadi olaraq evdə mübahisələr edib, həyat yoldaşı ilə dalaşıb, evə qazanc gətirməyib. Nəticədə həyat yoldaşı məhkəməyə müraciət edərək ondan aliment tələb edib. Ağsu Rayon Məhkəməsinin qərarı ilə Ceyhuna iki uşağı üçün ümumilikdə 386 manat aliment təyin olunub.
Aliment təyinatından bir müddət sonra Ceyhun həyat yoldaşının 450 manatlıq mobil telefonunu oğurlayaraq 70 manata satıb. Evdə telefonunu tapmayan qadın məsələ ilə bağlı polisə məlumat verib. Polis əməkdaşlarının apardıqları araşdırmalarla məlum olub ki, telefonu qadının həyat yoldaşı oğurlayıb satıb. Polisin keçirdiyi tədbirlərlə Ceyhun Badamov saxlanılıb, barəsində protokol tərtib edilərək məhkəməyə göndərilib. Ağsu Rayon Məhkəməsinin qərarı ilə Ceyhun Badamov 25 sutka inzibati qaydada həbs edilib.
//oxu.az
Hadisə rayonun Kəndoba kəndində baş verib.
Kənd sakini 1990-cı il təvəllüdlü Ceyhun Badamov (ad və soyad şərtidir) içki düşkünü olduğundan ailəsində problem yaranıb. O, mütəmadi olaraq evdə mübahisələr edib, həyat yoldaşı ilə dalaşıb, evə qazanc gətirməyib. Nəticədə həyat yoldaşı məhkəməyə müraciət edərək ondan aliment tələb edib. Ağsu Rayon Məhkəməsinin qərarı ilə Ceyhuna iki uşağı üçün ümumilikdə 386 manat aliment təyin olunub.
Aliment təyinatından bir müddət sonra Ceyhun həyat yoldaşının 450 manatlıq mobil telefonunu oğurlayaraq 70 manata satıb. Evdə telefonunu tapmayan qadın məsələ ilə bağlı polisə məlumat verib. Polis əməkdaşlarının apardıqları araşdırmalarla məlum olub ki, telefonu qadının həyat yoldaşı oğurlayıb satıb. Polisin keçirdiyi tədbirlərlə Ceyhun Badamov saxlanılıb, barəsində protokol tərtib edilərək məhkəməyə göndərilib. Ağsu Rayon Məhkəməsinin qərarı ilə Ceyhun Badamov 25 sutka inzibati qaydada həbs edilib.
//oxu.az
