Mojo.az — elanlar
RU
RU
Son Xəbərlər
23:02 Bu 3 bürc bazar günü XOŞ XƏBƏR ALACAQ | 22:56 Gələn il Azərbaycanda 950 min tona yaxın kartof istehsalı proqnozlaşdırılır | 22:51 371 roman yazan qadın süni intellektə görə təhdid və təhqirlə üzləşdi | 22:44 Zaxarova NATO-nu ittiham etdi | 22:39 "Avroviziya Asiya"nın ilk qalibi oldu | 22:31 Avtomobili özündən xəbərsiz satışa çıxarıldı - VİDEO | 22:26 "Meta" 805 milyon avro cərimələnib | 22:17 Azərbaycanda bəzi binalara istilik verilməyə bilər: Səbəb - Video | 22:08 Lənkəranda ağlasığmaz hadisə: Hotelin icarədarı öz işçilərini qarət etdi | 22:00 Dağıstanda məşhur idmançı güllələnərək öldürüldü | 21:56 Ramiz Mehdiyevin qızının vəkili həbs edildi | 21:49 Lənkəranda ağlasığmaz hadisə: Hotelin icarədarı öz işçilərini qarət etdi | 21:33 Büdcədə tarixi dəyişiklik: Neftdənkənar gəlirlər 60 faizi ötəcək - Foto | 21:26 İlon Maskın "Starship" raketi sınaq zamanı partladı - Video | 20:49 Kütləvi yol-nəqliyyat hadisəsində ölənlərin sayı 13-ə çatıb | 20:44 Məktəblərdə sərt qaydalar tətbiq oluna bilər: Cərimə, qırmızı kart və uzaqlaşdırılma | 20:36 Bakıda yataqxanadan tələbə qızın meyiti tapıldı | 20:30 Leyla Əliyeva COP31-ə dair videoçarx paylaşıb - Video | 20:24 Tələbələri şantaj edərək pul istəyən şəxs barəsində qərar verildi | 20:10 "Nvidia" şirkətinin rəhbərliyinə mümkün namizədin adı açıqlandı |
Mojo.az Avto
Mojo.az Avto

Elektrikli skuter sürənlərin DİQQƏTİNƏ: Ürəyə gizli zərbə vurur

10.06.2026 13:07 726
Elektrikli skuter sürənlərin DİQQƏTİNƏ: Ürəyə gizli zərbə vurur
Elektrikli nəqliyyat vasitələri ürək-damar sisteminə iki fərqli istiqamətdən mənfi təsir göstərir: ani sürətlənmə və təkərlərin yaratdığı davamlı xırda vibrasiya. Sağlam fərdlər üçün bu amillərin hər biri təkbaşına ciddi təhlükə yaratmasa da, onların eyni vaxtda təsiri paroksizmal taxikardiya riski yaradır.

Mövzu ilə bağlı rusiyalı kardioloq Valeriya Bonadıkova Gazeta.ru-ya açıqlama verib.

V.Bonadıkovanın sözlərinə görə, bu, heç bir aşkar səbəb olmadan ürək döyüntüsünün dəqiqədə 140-220 vuruşa qədər artması ilə müşayiət olunan prosesdir:

"Bu vəziyyət bir neçə saniyədən bir neçə saata kimi davam edə bilər. Normal halda sağlam insanın nəbzi dəqiqədə 60-80 vuruş olur. Belə tutmalar baş verdikdə döş qəfəsində güclü sıxılma, nəfəs darlığı, başgicəllənmə, bəzi hallarda təşviş və ayaqlarda halsızlıq müşahidə edilir".

Prosesin əsas mənbəyi orqanizmdə bağırsaqların fəaliyyətini, tənəffüsü, təzyiqi və nəbzi iradədən kənar idarə edən vegetativ sinir sistemidir. Kələ-kötür yollarda yaranan daimi silkələnmələr daxili orqanların reseptorlarına təsir edərək sinir sistemində xüsusi qoruma rejimini aktivləşdirir. Nəticədə damarlar daralır, qan təzyiqi kəskin artır və ürək daha sürətlə döyünməyə başlayır.

Həmçinin açıqlamada nəqliyyatın ani sürətlənməsinin də fərqli risklər daşıdığı bildirilib. Çox vaxt 25 km/saat sürət yığmaq üçün sadəcə iki-üç saniyə tələb olunur ki, bu zaman qana külli miqdarda adrenalin buraxılır. Bədəni təhlükəyə hazırlayan bu hormon ürək əzələlərini həddindən artıq stimullaşdıraraq aritmiya yaradır.

Kardioloqun sözlərinə görə, elektrikli nəqliyyat vasitələrindən istifadə etdikdən sonra ürək döyüntüsünün sürətlənməsi şikayəti ilə müraciət edən 25-35 yaşlı pasiyentlər olur:

"Onların əksəriyyəti əvvəllər ürək problemi yaşamamış şəxslərdir. Onlar hər gün işə getdikləri yolun miokard üçün stres-testə çevrildiyindən heç şübhələnmirlər də. Xüsusilə acqarına, qəhvə və ya energetik içkidən sonra, isti havada və ya yuxusuz gecədən sonra sürənlər üçün risklər daha yüksəkdir".

Həkim əlavə edib ki, tiroid vəzinin hiperfunksiyası, "Volf-Parkinson-Uayt sindromu" (anadangəlmə ürək qüsuru), mitral qapaq prolapsı və kəskin respirator virus infeksiyalarından sonra ürək əzələsində yaranan gizli iltihab halları olan şəxslər üçün təhlükə daha da böyükdür.
//oxu.az

Son xəbərlər