Həkimlər bildirirlər ki, yuxu yalnız istirahət deyil, həm də orqanizmin özünü bərpa etdiyi ən vacib dövrlərdən biridir. 
 
Median.Az xəbər verir ki, məhz yuxu zamanı immun sistemi aktivləşərək virus və bakteriyalarla mübarizə aparan hüceyrələri yeniləyir.
 
Araşdırmalar göstərir ki, uzun müddət yuxusuz qalan insanların infeksiyalara yoluxma riski daha yüksək olur. Bunun səbəbi yuxu çatışmazlığının immun sisteminin fəaliyyətini zəiflətməsi və orqanizmin müdafiə mexanizmlərini ləngitməsidir.
 
Mütəxəssislərin sözlərinə görə, gecə saatlarında bədəndə iltihab əleyhinə və qoruyucu təsir göstərən bir sıra vacib maddələr ifraz olunur. İnsan kifayət qədər yatmadıqda isə bu proseslər tam baş vermir. Nəticədə orqanizm xəstəliklərə qarşı daha həssas olur, sağalma müddəti uzanır və ümumi enerji səviyyəsi aşağı düşür.
 
Xüsusilə son illərdə aparılan tədqiqatlar göstərir ki, davamlı olaraq 6 saatdan az yatan şəxslərdə soyuqdəymə, qrip və digər infeksion xəstəliklərin yaranma ehtimalı daha yüksəkdir. Bundan əlavə, yuxusuzluq stress hormonlarının səviyyəsini artırır ki, bu da immunitetə mənfi təsir göstərən əsas amillərdən biridir.
 
Həkimlər sağlam immun sistemini qorumaq üçün böyüklərin hər gecə orta hesabla 7–9 saat keyfiyyətli yuxu yatmasını tövsiyə edirlər.azxeber.comскачать dle 11.3