Uraldakı Azərbaycan diasporunun keçmiş lideri Vidadi Mustafayevin işi məhkəməyə təqdim edilib
Uraldakı Azərbaycan diasporunun keçmiş lideri Vidadi Mustafayevə qarşı cinayət işi Yekaterinburqun Leninski Rayon Məhkəməsinə daxil olub.
Median.Az-ın "Kommersant" nəşrinə istinadən xəbərinə görə, bu, məhkəmənin kartoteka məlumatlarında əksini tapıb.
Məlumata görə, Vidadi Mustafayevə qarşı üç fırıldaqçılıq maddəsi üzrə (Rusiya Cinayət Məcəlləsinin 159-cu maddəsinin 3-cü və 4-cü hissələri) ittiham irəli sürülüb.
Bildirilir ki, cinayət ittihamlarından biri "Porsche" markalı avtomobilin alınması ilə bağlı ola bilər. Versiyalardan birinə görə, Vidadi Mustafayev Azərbaycan vətəndaşı olan tanışı Navruz Sadatovdan aldığı avtomobilin pulunu ödəməyib. Digər versiyaya görə, o, diaspor rəhbərinin müavini vəzifəsi üçün avtomobili və bir milyon rublu (23 min manat) alsa da, vədini yerinə yetirməyib. O, pulu və avtomobili qaytarmaqdan imtina etdikdə, Navruz Sadatov istintaq orqanlarına müraciət edib.
Vidadi Mustafayevin barəsində qətimkan tədbirinin seçilməsi ilə bağlı məhkəmə iclasında ona "Porsche"nin artıq müsadirə olunduğu bildirilib. Həbs olunduğu zaman o özünü günahkar hesab etməyib və öz mövqeyini ona böhtan atılması ilə müdafiə edib.
"Mənim fəaliyyətim cinayətkarlıqla əlaqəli deyil, mən quldur deyiləm", - deyə o bildirib.
Xatırladaq ki, Vidadi Mustafayev ötən ilin avqust ayında keçmiş diaspor lideri Şahin Şıxlinskinin həbsindən sonra Azərbaycan icmasına rəhbərlik etməyə başlayıb. Şahin Şıxlinski 24 il müddətinə azadlıqdan məhrum edilib.
Median.Az-ın "Kommersant" nəşrinə istinadən xəbərinə görə, bu, məhkəmənin kartoteka məlumatlarında əksini tapıb.
Məlumata görə, Vidadi Mustafayevə qarşı üç fırıldaqçılıq maddəsi üzrə (Rusiya Cinayət Məcəlləsinin 159-cu maddəsinin 3-cü və 4-cü hissələri) ittiham irəli sürülüb.
Bildirilir ki, cinayət ittihamlarından biri "Porsche" markalı avtomobilin alınması ilə bağlı ola bilər. Versiyalardan birinə görə, Vidadi Mustafayev Azərbaycan vətəndaşı olan tanışı Navruz Sadatovdan aldığı avtomobilin pulunu ödəməyib. Digər versiyaya görə, o, diaspor rəhbərinin müavini vəzifəsi üçün avtomobili və bir milyon rublu (23 min manat) alsa da, vədini yerinə yetirməyib. O, pulu və avtomobili qaytarmaqdan imtina etdikdə, Navruz Sadatov istintaq orqanlarına müraciət edib.
Vidadi Mustafayevin barəsində qətimkan tədbirinin seçilməsi ilə bağlı məhkəmə iclasında ona "Porsche"nin artıq müsadirə olunduğu bildirilib. Həbs olunduğu zaman o özünü günahkar hesab etməyib və öz mövqeyini ona böhtan atılması ilə müdafiə edib.
"Mənim fəaliyyətim cinayətkarlıqla əlaqəli deyil, mən quldur deyiləm", - deyə o bildirib.
Xatırladaq ki, Vidadi Mustafayev ötən ilin avqust ayında keçmiş diaspor lideri Şahin Şıxlinskinin həbsindən sonra Azərbaycan icmasına rəhbərlik etməyə başlayıb. Şahin Şıxlinski 24 il müddətinə azadlıqdan məhrum edilib.
