"Şimal" I Liqaya vəsiqə uğrunda matçda qələbə qazanıb

"Şimal" komandası 2026/2027 mövsümündə də futbol üzrə Azərbaycan I Liqasında çıxış edəcək.

Xaçmaz təmsilçisi buna çempionata vəsiqə uğrunda pley-off oyununda "Qaradağ Lökbatan"a qalib gəlməklə nail olub.

Şamaxı şəhər stadionundakı matç 2:1 hesabı ilə yekunlaşıb.

Xatırladaq ki, "Şimal" cari mövsüm I Liqanı 11-ci, "Qaradağ Lökbatan" isə II Liqanı 2-ci pillədə başa vurub.