News.ru: Slovakiya və Azərbaycan qaz tədarükü üzrə 10 illik müqavilə imzalaya bilərlər
"Slovakiya Azərbaycanla qaz tədarükü üzrə ən azı 10 illik müqavilə imzalamaq niyyətindədir".
Median.Az-ın News.ru-ya istinadən xəbərinə görə, bu barədə Slovakiya baş nazirinin müavini və ətraf mühit naziri Tomaş Taraba Bakıda Dünya Şəhər Forumunun (WUF13) 13-cü sessiyasında məlumat verib.
Onun sözlərinə görə, yeganə məsələ enerjidaşıyıcılarının Mərkəzi Avropaya necə çatdırılmasıdır.
"Biz Azərbaycanla uzunmüddətli - ən azı 10 illik müqavilənin imzalanmasını müzakirə edirik. Slovakiya enerji təchizatını şaxələndirmək istəyir və Azərbaycan bizim üçün olduqca etibarlı tərəfdaşdır. Yeganə məsələ enerjidaşıyıcılarının Mərkəzi Avropaya necə çatdırılmasıdır. Yəni söhbət sizin (Azərbaycanın - red.) enerji resurslarınızı əldə etmək istəyib-istəməməyimizlə deyil, onları Mərkəzi Avropaya necə çatdırmaqla bağlıdır", - deyə Taraba qeyd edib.
Nazir bildirib ki, tərəflər hazırda hansı boru kəmərlərindən və hansı həcmdə istifadə edilə biləcəyini müzakirə edirlər.
O, həmçinin bir neçə ay əvvəl Ukraynadakı vəziyyətlə əlaqədar baş verən tədarük böhranı zamanı fəal dəstəyinə görə Bakıya təşəkkür edib. Tomaş Taraba qeyd edib ki, o zaman Azərbaycan Slovakiyaya fasiləsiz təchizatın təminində kömək edib.
Median.Az-ın News.ru-ya istinadən xəbərinə görə, bu barədə Slovakiya baş nazirinin müavini və ətraf mühit naziri Tomaş Taraba Bakıda Dünya Şəhər Forumunun (WUF13) 13-cü sessiyasında məlumat verib.
Onun sözlərinə görə, yeganə məsələ enerjidaşıyıcılarının Mərkəzi Avropaya necə çatdırılmasıdır.
"Biz Azərbaycanla uzunmüddətli - ən azı 10 illik müqavilənin imzalanmasını müzakirə edirik. Slovakiya enerji təchizatını şaxələndirmək istəyir və Azərbaycan bizim üçün olduqca etibarlı tərəfdaşdır. Yeganə məsələ enerjidaşıyıcılarının Mərkəzi Avropaya necə çatdırılmasıdır. Yəni söhbət sizin (Azərbaycanın - red.) enerji resurslarınızı əldə etmək istəyib-istəməməyimizlə deyil, onları Mərkəzi Avropaya necə çatdırmaqla bağlıdır", - deyə Taraba qeyd edib.
Nazir bildirib ki, tərəflər hazırda hansı boru kəmərlərindən və hansı həcmdə istifadə edilə biləcəyini müzakirə edirlər.
O, həmçinin bir neçə ay əvvəl Ukraynadakı vəziyyətlə əlaqədar baş verən tədarük böhranı zamanı fəal dəstəyinə görə Bakıya təşəkkür edib. Tomaş Taraba qeyd edib ki, o zaman Azərbaycan Slovakiyaya fasiləsiz təchizatın təminində kömək edib.
