Süni intellekt istifadəçilərin xarakterini söhbətlərdən müəyyən edə bilir (ARAŞDIRMA)
Yeni araşdırmaya görə, süni intellekt istifadəçilərin söhbət tarixçəsini analiz edərək onların şəxsiyyət xüsusiyyətlərini yüksək dəqiqliklə proqnozlaşdıra bilir.
ETH Zurich tədqiqatçılarının hazırladığı ilkin araşdırmada ABŞ və Böyük Britaniyadan olan 668 ChatGPT istifadəçisindən söhbət tarixçələrinin surəti istənilib. Daha sonra bu məlumatlar əsasında istifadəçilərin xarakter xüsusiyyətlərini müəyyən edə bilən süni intellekt modeli hazırlanıb.
Araşdırma çərçivəsində alimlər müxtəlif mövzular üzrə kateqoriyalara ayrılmış 62 mindən çox söhbəti təhlil ediblər.
Hazırlanan model psixologiyada "Böyük Beşlik” kimi tanınan əsas şəxsiyyət xüsusiyyətlərini müəyyən etməyə çalışıb. Bunlara uyğunluq, məsuliyyətlilik, emosional sabitlik, ekstravertlik və yeni təcrübələrə açıqlıq daxildir.
İştirakçılar eyni zamanda standart psixoloji testlərdən də keçirilib ki, onların real şəxsiyyət xüsusiyyətləri müəyyən olunsun.
Araşdırmanın nəticələrinə görə, süni intellekt modeli istifadəçilərin xarakter xüsusiyyətlərini 61 faizə qədər dəqiqliklə təxmin edə bilib. Sistem xüsusilə uyğunluq və emosional sabitliyi müəyyən etməkdə daha uğurlu olub, məsuliyyətlilik göstəricisini proqnozlaşdırmaqda isə daha zəif nəticə göstərib.
Tədqiqatçılar bildirirlər ki, analiz üçün daha uzun söhbət tarixçəsi olduqda model daha dəqiq nəticələr verir. Bu isə istifadəçinin süni intellektlə nə qədər çox ünsiyyət qurarsa, şəxsi xüsusiyyətlərinin müəyyən edilmə ehtimalının bir o qədər artdığı anlamına gəlir.
Araşdırma müəllifləri fərdi səviyyədə risklərin aşağı olduğunu qeyd etsələr də, bu cür məlumatların pis niyyətli şəxslərin əlinə keçəcəyi halda genişmiqyaslı təhlükələr yarada biləcəyi barədə xəbərdarlıq ediblər.
Onların fikrincə, bu texnologiyalar gələcəkdə dezinformasiya və siyasi təbliğat məqsədli manipulyasiya kampaniyalarında istifadə oluna bilər.
//qaynar.az
Tədqiqatçılar ümid edirlər ki, əldə olunan nəticələr istifadəçilərin şəxsi məlumatlarını daha yaxşı qoruyan və kimliyi müəyyən edən detalları avtomatik silə bilən yeni təhlükəsizlik sistemlərinin hazırlanmasına kömək edəcək.
ETH Zurich tədqiqatçılarının hazırladığı ilkin araşdırmada ABŞ və Böyük Britaniyadan olan 668 ChatGPT istifadəçisindən söhbət tarixçələrinin surəti istənilib. Daha sonra bu məlumatlar əsasında istifadəçilərin xarakter xüsusiyyətlərini müəyyən edə bilən süni intellekt modeli hazırlanıb.
Araşdırma çərçivəsində alimlər müxtəlif mövzular üzrə kateqoriyalara ayrılmış 62 mindən çox söhbəti təhlil ediblər.
Hazırlanan model psixologiyada "Böyük Beşlik” kimi tanınan əsas şəxsiyyət xüsusiyyətlərini müəyyən etməyə çalışıb. Bunlara uyğunluq, məsuliyyətlilik, emosional sabitlik, ekstravertlik və yeni təcrübələrə açıqlıq daxildir.
İştirakçılar eyni zamanda standart psixoloji testlərdən də keçirilib ki, onların real şəxsiyyət xüsusiyyətləri müəyyən olunsun.
Araşdırmanın nəticələrinə görə, süni intellekt modeli istifadəçilərin xarakter xüsusiyyətlərini 61 faizə qədər dəqiqliklə təxmin edə bilib. Sistem xüsusilə uyğunluq və emosional sabitliyi müəyyən etməkdə daha uğurlu olub, məsuliyyətlilik göstəricisini proqnozlaşdırmaqda isə daha zəif nəticə göstərib.
Tədqiqatçılar bildirirlər ki, analiz üçün daha uzun söhbət tarixçəsi olduqda model daha dəqiq nəticələr verir. Bu isə istifadəçinin süni intellektlə nə qədər çox ünsiyyət qurarsa, şəxsi xüsusiyyətlərinin müəyyən edilmə ehtimalının bir o qədər artdığı anlamına gəlir.
Araşdırma müəllifləri fərdi səviyyədə risklərin aşağı olduğunu qeyd etsələr də, bu cür məlumatların pis niyyətli şəxslərin əlinə keçəcəyi halda genişmiqyaslı təhlükələr yarada biləcəyi barədə xəbərdarlıq ediblər.
Onların fikrincə, bu texnologiyalar gələcəkdə dezinformasiya və siyasi təbliğat məqsədli manipulyasiya kampaniyalarında istifadə oluna bilər.
//qaynar.az
Tədqiqatçılar ümid edirlər ki, əldə olunan nəticələr istifadəçilərin şəxsi məlumatlarını daha yaxşı qoruyan və kimliyi müəyyən edən detalları avtomatik silə bilən yeni təhlükəsizlik sistemlərinin hazırlanmasına kömək edəcək.
