Monqolustanda güclü zəlzələ oldu

Monqolustanın qərbində 6.8 maqnitudalı zəlzələ qeydə alınıb.

Median.Az "İnterfaks"a istinadən xəbər verir ki, bu barədə Rusiya Elmlər Akademiyasının Vahid Geofizika Xidməti məlumat yayıb.

Məlumata görə, Moskva vaxtı ilə saat 07:23-də (Bakı vaxtı ilə 08:23 - red.) baş vermiş yeraltı təkanların episentri Rusiya-Monqolustan sərhədindən təxminən 400 kilometr, Monqolustanın Çinlə sərhədindən isə 150 kilometr məsafədə yerləşib.

Məlumata görə, episentrdə seysmik hadisənin intensivliyi MSK-64 şkalası üzrə 9.1 bal olub.

İtki və dağıntı barədə məlumat verilməyib.