Niyə evlənənlər azalıb? - "Gənc qızlar evi olmayan oğlanlara şans vermirlər" - Video
Yanvar ayında nikahların və boşanmaların sayı azalıb.
Bu barədə Dövlət Statistika Komitəsinin yaydığı məlumatda bildirilir. Belə ki, Ədliyyə Nazirliyinin rayon qeydiyyat şöbələrində 2026-cı ilin ilk ayında 2 922 nikah və 1 779 boşanma halı qeydə alınıb. 2025-ci ilin müvafiq dövrü ilə müqayisədə əhalinin hər 1 000 nəfərinə düşən nikahların sayı azalaraq 5.4-dən 3.4-ə, boşanmaların sayı isə 2.1-dən 2-yə enib.
Sosioloq Lalə Mehralı Baku TV-yə bildirib ki, gənclərin ailə qurmaqdan çəkinməsinin müxtəlif sosial-iqtisadi səbəbləri var:
"Paytaxtda yaşayan gənclər üçün əsas maneə mənzil problemidir. Gənc qızlar çox vaxt evi olmayan oğlanlara şans vermirlər. Bölgələrdə isə mənzil və torpaq məsələsi o qədər kəskin olmasa da, işsizlik və gəlir səviyyəsinin aşağı olması əsas problemdir".
Ekspertin fikrincə, dövlət tərəfindən yeni evlənən gənclərə dəstək məqsədilə aşağı faizli kreditlər və sosial evlər layihəsi kimi xüsusi proqramlar tətbiq oluna bilər.
Bundan əlavə, 2026-cı ilin yanvar ayında ölkədə 6 243 ölüm halı qeydə alınıb. Bu da 2025-ci ilin müvafiq dövrü ilə müqayisədə əhalinin hər 1 000 nəfərinə düşən göstəricinin 6.6-dan 7.2-yə yüksəlməsi deməkdir.
Beləliklə, rəsmi statistika göstərir ki, ilin ilk ayında həm nikahların, həm də boşanmaların sayında azalma müşahidə olunsa da, ölüm hallarının artması demoqrafik mənzərədə diqqətçəkən əsas məqamlardan biri kimi önə çıxır. Mütəxəssislər hesab edirlər ki, bu tendensiyalar sosial-iqtisadi amillər, ailə institutuna yanaşma və ümumi həyat şəraiti ilə birbaşa bağlıdır.
Bu barədə Dövlət Statistika Komitəsinin yaydığı məlumatda bildirilir. Belə ki, Ədliyyə Nazirliyinin rayon qeydiyyat şöbələrində 2026-cı ilin ilk ayında 2 922 nikah və 1 779 boşanma halı qeydə alınıb. 2025-ci ilin müvafiq dövrü ilə müqayisədə əhalinin hər 1 000 nəfərinə düşən nikahların sayı azalaraq 5.4-dən 3.4-ə, boşanmaların sayı isə 2.1-dən 2-yə enib.
Sosioloq Lalə Mehralı Baku TV-yə bildirib ki, gənclərin ailə qurmaqdan çəkinməsinin müxtəlif sosial-iqtisadi səbəbləri var:
"Paytaxtda yaşayan gənclər üçün əsas maneə mənzil problemidir. Gənc qızlar çox vaxt evi olmayan oğlanlara şans vermirlər. Bölgələrdə isə mənzil və torpaq məsələsi o qədər kəskin olmasa da, işsizlik və gəlir səviyyəsinin aşağı olması əsas problemdir".
Ekspertin fikrincə, dövlət tərəfindən yeni evlənən gənclərə dəstək məqsədilə aşağı faizli kreditlər və sosial evlər layihəsi kimi xüsusi proqramlar tətbiq oluna bilər.
Bundan əlavə, 2026-cı ilin yanvar ayında ölkədə 6 243 ölüm halı qeydə alınıb. Bu da 2025-ci ilin müvafiq dövrü ilə müqayisədə əhalinin hər 1 000 nəfərinə düşən göstəricinin 6.6-dan 7.2-yə yüksəlməsi deməkdir.
Beləliklə, rəsmi statistika göstərir ki, ilin ilk ayında həm nikahların, həm də boşanmaların sayında azalma müşahidə olunsa da, ölüm hallarının artması demoqrafik mənzərədə diqqətçəkən əsas məqamlardan biri kimi önə çıxır. Mütəxəssislər hesab edirlər ki, bu tendensiyalar sosial-iqtisadi amillər, ailə institutuna yanaşma və ümumi həyat şəraiti ilə birbaşa bağlıdır.
