Məşhurlar niyə mavi qələmlərlə avtoqraf vermirlər?

Bir vaxtlar “TikTok”da maraqlı bir video yayılmışdı. Əslində, videoda "The Crown" serialından tanıdığımız Kler Foy pərəstişkarlarına avtoqraf verir. Əvvəlcə hər şey olduqca normal görünür, amma bir pərəstişkar ona mavi mürəkkəbli qələm təklif etdikdə Foy avtoqraf verməkdən imtina edir. Mavi qələmdən istifadə edə bilmədiyini deyən məşhur aktrisa, ona qara qələm uzadan başqa bir pərəstişkarına avtoqraf verir. Video “TikTok”a yükləndikdən sonra viral hala gəlib. Foyun davranışı sosial mediada çox müzakirələrə səbəb olub. Bir çox insan aktrisanı "kobud" adlandırsa da, həqiqət sonradan üzə çıxıb. Bəs niyə məşhurlar mavi qələmlərlə avtoqraf vermirlər?
 
Median.Az təfərrüatları təqdim edir. 
 
Videoda “Netflix”in "The Crown" serialında gənc Kraliça II Elizabet rolu ilə tanınan 39 yaşlı britaniyalı aktrisa yer alır.
 
Aktrisa qələmin rəngini görüb mavi qələmlə imza atmayacağını deyir. Daha sonra qara qələm tutan başqa bir şəxs Foydan imza istəyir və aktrisa onu imzalayır.
Bəs bunun səbəbi nədir?
 
Bir çox sosial media istifadəçisi aktrisanı kobudluqda günahlandırıb. Jurnalistlər Foy ilə əlaqə saxladıqda məlum olub ki, o, mavi mürəkkəblə imza atmayan yeganə məşhur deyil.
 
Onun bu davranışının səbəbi əslində olduqca məntiqlidir. Bir çox məşhura və idmançıya pərəstişkarlarına imza atarkən mavi mürəkkəb qələmlərindən istifadə etməmələri tapşırılır.
 
Çünki mavi mürəkkəb asanlıqla ləkələnir və bu imza təqlid edilə bilər. Hətta satıla bilər.
 

Ekspert mavi mürəkkəbdən istifadə etməyin səhv olduğunu, bu mürəkkəbin asanlıqla başqa yerlərə köçürülə biləcəyini deyir. Buna görə də, məşhurlar üçün qara mürəkkəbdən istifadə daha təhlükəsizdir.