Prezident yanında Antiinhisar və İstehlak Bazarına Nəzarət Dövlət Agentliyi "Azərişıq" Açıq Səhmdar Cəmiyyətində daxil olmuş vətəndaş müraciətləri əsasında qanunvericiliyinin pozulması halları ilə əlaqədar araşdırma aparır.

İstehlakçıların elektrik enerjisi borcları hesablandığı andan etibarən qanunvericilikdə nəzərdə tutulmuş bir ay müddət gözlənilmədən elektrik enerjisinin verilişinin dayandırılması ilə əlaqədar rəqabət qanunvericiliyinin pozulması hallarının araşdırılması ilə bağlı proses başa çatıb.

Bildirilib ki, rəqabət qanunvericiliyinin pozulması halları və əlamətləri müəyyən edildiyi üçün təbii inhisar subyekti barəsində iş qaldırılıb.

Həmçinin qeyri-yaşayış təyinatlı bəzi tikinti obyektlərinin istismarına icazə verilməsi ilə bağlı həmin obyektlərin elektrik şəbəkələrinin mühafizə zonasında yerləşməsi ilə əlaqədar "Azərişıq" Açıq Səhmdar Cəmiyyəti tərəfindən mənfi rəylərin verilməsi ilə bağlı rəqabət qanunvericiliyinin pozulması hallarının araşdırılması barədə də prosesin davam etdiyi qeyd olunub.
//oxu.azскачать dle 11.3