Son illər gənclərin xaricdə təhsilə maraq və tələbatı artıb. Amma Baku TV-nin paytaxt sakinləri arasında apardığı sorğudan aydın olur ki, xaricdəki universitetləri sevinclə bitirən məzunların bir çoxu diplomunun tanınmaması problemi ilə qarşılaşır.

"Mənim ətrafımda, tanışlarımda da olub. Gedib xaricdə oxuyub, diplomla gəlib Azərbaycana, amma keçməyib", - deyə sakin qeyd edib.

2025-ci ilin dekabrında Dövlət İmtahan Mərkəzinin keçirdiyi peşə tanınması üzrə sınaq imtahanında 150 nəfər iştirak edib ki, onlardan da yalnız 67-si keçid balını toplaya bilib. 18 ixtisas üzrə müvəffəqiyyət göstəricisi isə cəmi 45 faiz təşkil edib. Bəs imtina halları ilə rastlaşmamaq üçün nələrə diqqət etmək lazımdır?

Təhsil eksperti Elçin Əfəndi mövzunu belə şərh edib: "Tövsiyə edirik ki, onlar dövlət proqramına qoşularaq xarici ölkələrin nüfuzlu ali təhsil müəssisələrində təhsil almaqda maraqlı olsunlar. Çünki bu zaman onlar təkcə nüfuzlu ali təhsil müəssisələrində təhsil almaq imkanı deyil, o cümlədən azı beş il ölkədə əmək fəaliyyətinə başlamaq üçün müəyyən bir öhdəlik götürürlər. Bu da gənclərə gələcəkdə ölkəyə qayıdandan sonra müvafiq əmək fəaliyyətinə başlamalarına imkan yaradan faktordur".скачать dle 11.3