Gəncədə 5 avtomobil toqquşdu

Gəncə şəhərində zəncirvari yol-nəqliyyat hadisəsi qeydə alınıb.

"Unikal"ın məlumatına görə, qəza şəhərin Gəncə şəhərində, Heydər Əliyev prospektində baş verib.

Belə ki, hərəkətdə olan “Chevrolet”, “BYD”, “VAZ 21015”, “Nissan” və “Toyota” markalı minik avtomobilləri toqquşub. Zəncirvari qəza nəticəsində xəsarət alan olmayıb, avtomobillərə isə ciddi maddi ziyan dəyib.

Hadisə yerinə Dövlət Yol Polisi əməkdaşları cəlb olunub. İlkin məlumata görə, qəzaya səbəb yağışlı hava şəraiti olub.

Faktla bağlı araşdırma aparılır.