Dünən səhər saatlarında Bakıda tikinti şirkətlərindən birinin ərazisində insident olub.

Median.Az "Qafqazinfo" xəbər verir ki, Nərimanov rayonu ərazisində "Okuklu Holding"in rəhbəri, türkiyəli iş adamı Yılmaz Okuklu ilə bir qrup şəxs arasında dava olub. Hadisə yerinə polis əməkdaşları cəlb ediliblər.Yılmaz Okuklu hadisə vaxtı sosial şəbəkədə canlı yayım açıb. O bildirib ki, bir neçə nəfər onu təkləyərək hücum edib. İnsidentin biznes mübahisəsi zəminində baş verdiyi iddia edilir.Daxili İşlər Nazirliyinin Mətbuat Xidmətindən bildirilib ki, faktla bağlı araşdırma aparılır: "Fevralın 8-də səhər saatlarında paytaxtın Nərimanov rayonunda tikinti şirkətinin nümayəndələri ilə orada məskunlaşmış bir neçə sakin arasında insidentin olması barədə polisə məlumat daxil olub.Əraziyə yaxınlaşan polis əməkdaşları tərəfindən insidentin qarşısı alınıb. Hazırda araşdırmalar davam etdirilir".скачать dle 11.3