Ekspertiza "Crocus"dakı terror təşkilatçısının qisasçı və kinli adam olduğunu bildirdi

"Crocus City Hall"dakı terror aktının təşkilatçısı Şamsidin Fariduninin qisasçı olduğu və kinli olduğunu deyib.

Bu barədə TASS terror aktından sonra keçirilən psixoloji-psixiatrik ekspertizasının nəticələrinə istinadən məlumat yayıb.

"Ş.Fariduninin aşağıdakı fərdi psixoloji xüsusiyyətləri nümayiş etdirdiyi müəyyən olunub: o, başqaları ilə münasibətlərdə qapalı davranır, kinli və qisasçıdır, əlverişli şəraitdə özünə diqqət tələb edir, başqalarına qarşı tələbkardır. Qərar qəbulu zamanı müstəqillik nümayiş etdirir, öz mövqeyinə tam əmindir, fikirlərində qətidir, vacib münasibətlərdə emosional cəhətdən soyuq davranır", - deyə iş materiallarında bildirilib.

Məhkəmədə iştirak edən şəxslər bildiriblər ki, hüquq-mühafizə orqanları Faridununi "Crocus"a hücumun "ən qəddar və hiyləgər" icraçısı hesab edirlər.

Fariduni yaraqlıları toplayır, qarşılayır, "Crocus"da kəşfiyyat aparıb, ortaqlarının rahat hərəkətini təmin etmək üçün avtomobil əldə edib və Şimali Qafqazdakı silahdaşlarından terror üçün silah alıb.