AFEN plazada baş verən partlayış zamanı xəsarət alan şəxslərin son vəziyyəti AÇIQLANIB

Bakının Nərimanov rayonunda "AFEN Plaza"da baş vermiş partlayışda xəsarət alanların son durumu açıqlanıb.

Bu barədə Tibbi Ərazi Bölmələrini İdarəetmə Birliyindən (TƏBİB) məlumat verilib.

"Noyabrın 24-ü saat 09 radələrində Nərimanov rayonu, Ə.Rəcəbli küçəsində obyektdə partlayış baş verməsi səbəbilə Kliniki Tibbi Mərkəzə hospitalizasiya olunan və müalicəsi Neyrocərrahiyyə şöbəsində davam etdirilən xəstənin vəziyyəti stabil qiymətləndirilib və ambulator müalicə üçün evə buraxılıb.

Nərimanov Tibb Mərkəzinin nəzdində olan Yanıq Mərkəzində müalicə alan şəxsin vəziyyəti isə stabil olaraq qiymətləndirilir"- deyə məlumatda qeyd olunub.