Qazaxıstanın Aktau şəhəri yaxınlığında qəzaya uğrayan "Azərbaycan Hava Yolları"na (AZAL) məxsus "Embraer 190" tipli sərnişin təyyarəsindən görüntülər yayılıb.Sözügedən videonu təyyarə qəzasında atasını itirən Abbas Qıstarov paylaşıb.A.Qıstarov qeyd edib ki, iki gün əvvəl atası Rəşid Qıstarovun telefonunda bu görüntülərə rast gəlib.Qeyd edək ki, görüntülər qəzadan öncə A.Qıstarovun atası tərəfindən lentə alınıb.Videoda bələdçi, Milli Qəhrəman Hökumə Əliyevanın təyyarənin Heydər Əliyev Beynəlxalq Aeroportundan qalxmamışdan əvvəl sərnişinlərə müraciəti yer alıb.

Həmin görüntüləri təqdim edirik:
Xatırladaq ki, 2024-cü il dekabrın 25-də Bakı-Qroznı reysini yerinə yetirən "Azərbaycan Hava Yolları"na məxsus "Embraer 190" tipli sərnişin təyyarəsi Rusiya Federasiyasının hava məkanında kənar fiziki və texniki müdaxiləyə məruz qalaraq idarəetməni itirmiş vəziyyətdə Qazaxıstan Aktau şəhəri istiqamətinə yönləndirilib. İnsan tələfatı və xəsarət alanlar olmasına baxmayaraq, pilotların, bələdçilərin yüksək peşəkarlığı, şücaəti və cəsurluğu sayəsində təyyarə qəza enişi həyata keçirib. Təyyarədə olan 67 nəfərdən 38-i həlak olub, 29-u sağ qalıb.İlkin araşdırmalar nəticəsində məlum olub ki, Azərbaycan təyyarəsi Çeçenistanın hava məkanında olan zaman Rusiyanın hava hücumundan müdafiə vasitələri tərəfindən vurulub, hava gəmisi idarəetməni itirib. Təyyarənin füzelyajında zenit raket kompleksindən atılan raketin qəlpələrinin izləri qeydə alınıb.
//oxu.azскачать dle 11.3