ABŞ-də baş verən təyyarə qəzasında ölənlərin sayı 12-yə çatıb

ABŞ-nin Kentukki ştatının Luisvill hava limanı yaxınlığında "UPS Airlines" şirkətinə məxsus "MD-11" təyyarəsinin qəzaya uğraması nəticəsində ölənlərin sayı 12 nəfərə çatıb.

Median.Az "Associated Press" agentliyinə istinadən xəbər verir ki, həlak olanlar arasında uşaq da var.

Məlumata görə, xəsarət alanlardan ikisinin vəziyyəti ağırdır, 18 nəfərə tibbi yardım göstərildikdən sonra evə buraxılıb.

Xatırladaq ki, yük təyyarəsi hava limanı yaxınlığında qəzaya uğrayıb. Hadisə layner havaya qalxdıqdan az sonra baş verib. Hava gəmisinin üç ekipaj üzvü olub. "MD-11" qəzaya uğradıqdan sonra yanğın başlayıb.