Fransa polisi oktyabrın 29-da Luvrdan oğurluq işi üzrə beş yeni şübhəli şəxsi saxlayıb.
Bu barədə RTL radiosu məlumat yayıb.
Onların hamısı dünən axşam saatlarında Parisin müxtəlif yerlərində saxlanılıblar.
LCI televiziya kanalı isə dörd yeni şübhəlinin saxlanılması barədə xəbər yayıb.
Saxlanılan şəxslərin hansı əməldə şübhəli bilindiyi və muzeydən oğurluqda birbaşa iştirak etməkdə ittiham olunan iki şübhəli ilə əlaqələri olub-olmadığı müəyyənləşdirilir.
* * * * *
Fransa polisi Parisdə Luvr muzeyini qarət etməkdə şübhəli bilinən üçüncü şəxsi də yaxalayıb.
Bu barədə məlumatı BFMTV telekanalı yayıb.
Bildirilir ki, şübhəli oktyabrın 29-da axşam saatlarında saxlanılıb və artıq müstəntiqlər tərəfindən dindirilib.
Qarətdə ümumən dörd nəfər şübhəli bilinir, onların ikisi oktyabrın 26-da saxlanılıb.
Xatırladaq ki, oktyabrın 19-da maskalı cinayətkarlar Luvra daxil olaraq İmperator kolleksiyasından doqquz eksponatı, o cümlədən Napoleona və onun həyat yoldaşı Jozefinaya məxsus zinət əşyalarını oğurlayıblar. Oğurluq nəticəsində dəymiş ziyan 88 milyon avro civarında qiymətləndirilir.
Şahidi olduğunuz hadisələri çəkib bizə göndərin!
Son Əlavə