Özbəkistan paytaxtında Azərbaycan və İranın baş prokurorları arasında görüş baş tutub
Özbəkistan paytaxtı Daşkənddə İqtisadi Əməkdaşlıq Təşkilatına (İƏT) üzv ölkələrin baş prokurorlarının VI Sammiti çərçivəsində Azərbaycanın baş prokuroru Kamran Əliyev iranlı həmkarı Məhəmməd Mövəhhədi ilə görüşüb.
Bu barədə "Azad İran" "Telegram" kanalı xəbər verir.
Məlumata görə, tərəflər məhkəmə-hüquq sahəsində əməkdaşlığın genişləndirilməsi imkanlarını müzakirə ediblər. Əsas mövzulardan biri iki ölkə arasında məhbusların qarşılıqlı mübadiləsinə dair memorandumun imzalanması olub.
Baş prokurorlar bu sənədin hazırlanması və imzalanması üçün lazımi addımların atılması ilə bağlı razılığa gəliblər.
Bundan əlavə, Mövəhhədinin təklifi ilə iki ölkənin ədliyyə orqanları arasında qarşılıqlı hüquqi və məhkəmə məlumatlarının mübadiləsinə dair iki illik memorandum layihəsinin hazırlanması və gələcək görüşlərdə imzalanması qərara alınıb.
Bu barədə "Azad İran" "Telegram" kanalı xəbər verir.
Məlumata görə, tərəflər məhkəmə-hüquq sahəsində əməkdaşlığın genişləndirilməsi imkanlarını müzakirə ediblər. Əsas mövzulardan biri iki ölkə arasında məhbusların qarşılıqlı mübadiləsinə dair memorandumun imzalanması olub.
Baş prokurorlar bu sənədin hazırlanması və imzalanması üçün lazımi addımların atılması ilə bağlı razılığa gəliblər.
Bundan əlavə, Mövəhhədinin təklifi ilə iki ölkənin ədliyyə orqanları arasında qarşılıqlı hüquqi və məhkəmə məlumatlarının mübadiləsinə dair iki illik memorandum layihəsinin hazırlanması və gələcək görüşlərdə imzalanması qərara alınıb.
