Azərbaycan Prezidenti San-Marino Respublikasının regent kapitanlarını təbrik edib

Azərbaycan Respublikasının Prezidenti İlham Əliyev San-Marino Respublikasının Regent Kapitanları xanım Denize Bronzettiyə və cənab İtalo Riqiyə təbrik məktubu ünvanlayıb.

Median.Az President.az-a istinadən xəbər verir ki, məktubda deyilir:

"Zati-aliləri, San-Marino Respublikasının milli bayramı münasibətilə Sizə və Sizin simanızda bütün xalqınıza öz adımdan və Azərbaycan xalqı adından ən səmimi təbriklərimi və xoş arzularımı çatdırıram.

Bu bayram günündə Sizə möhkəm cansağlığı, xoşbəxtlik, işlərinizdə uğurlar, San-Marino xalqına daim əmin-amanlıq və rifah diləyirəm".