Bakıda 7000 manatlı pensiya dələduzluğu

Penisya dələduzluğu ilə bağlı daha bir cinayət işinin məhkəmə istintaqı başa çatıb.

Hadisə Bakı şəhərində baş verib.

İş materiallarından məlum olur ki, zərərçəkmiş M.Ağayeva 15 il 2-ci qrup əlil kimi pensiya alıb. 2021-ci ildə isə əlillik dərəcəsi ləğv edilib. O, pensiyasını bərpa etdirmək üçün yollar aramağa başlayıb.

M.Ağayeva qonşusu vasitəsi ilə Anar adlı şəxslə görüşüb. Həmin şəxs zərərəçəkənə pensiya məsələsini həll edəcəyini bildirib. Bunun müqabilində isə M.Ağayevadan 7000 manat istəyib.

Zərərəçəkmiş Anar adlı şəxsə inanaraq ona 6000 manat verib. Yerdə qalan 1000 manatı da bir qədər sonra verəcəyini deyib. Lakin sonradan ona məlum olub ki, aldadılıb. Bu baxımdan hüquq-mühafizə orqanlarına üz tutub.

Anar saxlanılıb və ona qarşı Cinayət Məcəlləsinin 178.2.4-cü maddəsi ilə ittiham elan edilib. Həmçinin məhkəmənin qərarı ilə barəsində həbs qətimkan tədbiri seçilib.

Cinayət işinə Sabunçu Rayon Məhkəməsində baxılıb. Məhkəmənin hökmü ilə təqsirləndirilən şəxs 2 il müddətində azadlıqdan məhrum edilib.//qaynar.az