Sumqayıt polisinin keçirdiyi əməliyyatla saxlanılan TikTokda "Miray" ləqəbi ilə tanınan Aysel Mustafayevanın məhkəməsi keçirilib.
Median.Az-ın əldə etdiyi məlumata görə, Sumqayıt Şəhər Məhkəməsinin hakimi Samir İsmayılovun sədrliyi ilə keçirilən prosesdə xanım tiktokerin vəkilləri Orxan Kəngərli və Elçin Əhmədov müvəkkilinin həbs qəti imkan tədbirinin ev dustaqlığı ilə əvəz edilməsini məhkəmədən xahiş ediblər.
Miray ləqəbli xanım tiktoker də ona qarşı irəli sürülən ittihamla razılaşmayıb.
Daha sonra Aysel Mustafayeva barəsində qərar elan edilib.
Qərara əsasən, onun barəsində 4 aylıq həbs qətimkan tədbiri seçilib.
Eyni zamanda, ona qarşı Cinayət Məcəlləsinin 234.4-1-ci (narkotik vasitələrin qanunsuz dövriyyəsi qabaqcadan əlbir olan bir qrup şəxs tərəfindən və ya mütəşəkkil dəstə tərəfindən törədildikdə maddəsi ilə ittiham irəli sürülüb.
Qeyd edək ki, "Miray" ləqəbi ilə tanınan Aysel Mustafayeva Tiktokda sosial şəbəkəsində söyüş və təhqir dolu yayınlar aparmaqda, eləcə də postlar paylaşmaqla tanınıb. O, postlarıda dəfələrlə hüquq mühafizə orqanlarını və ayrı-ayrı vətəndaşları təhqir edib.
Orxan Rasifoğlu
Şahidi olduğunuz hadisələri çəkib bizə göndərin!
Son Əlavə