Çilinin cənubunda güclü zəlzələ: Sunami təhlükəsi elan edildi
Çilinin cənubunda 7.5 bal gücündə zəlzələ baş verib və sunami təhlükəsi yaranıb.
Bu barədə ABŞ Geoloji Xidmətindən (USGS) məlumat verilib.
Məlumata görə, Cənubi Amerika qitəsində yerləşən Çilinin cənub bölgələrində təbii fəlakət qeydə alınıb. 7.5 bal gücündə zəlzələnin episentri Antarktika yarımadasının sahilləri yaxınlığında yerləşən Dreyk keçidi olub.
Mütəxəssislər bildiriblər ki, yeraltı təkanlar təxminən 10.8 kilometr dərinlikdə baş verib. Bu baxımdan, zəlzələ Çilinin müxtəlif şəhərlərində, eləcə də Argentinanın qonşu regionlarında güclü hiss olunub. Yerli sakinlərin və hadisə şahidlərinin sözlərinə görə, yerin silkələnməsi bir neçə dəqiqə davam edib, bundan sonra insanlar küçələrə axışıb.
Zəlzələdən sonra Çili Hərbi Dəniz Qüvvələrinin Hidroqrafiya və Okeanoqrafiya Xidməti (SHOA) sunami təhlükəsi barədə rəsmi xəbərdarlıq edib. Təşkilat nümayəndələri əhalini diqqətli olmağa çağırıb və bir sıra ərazilərin məcburi təxliyəsini elan ediblər.
Məcburi təxliyəyə sahilyanı torpaqlar, qayalı sahillər, bataqlıq ərazilər, çay mənsəbləri, sahil xətləri, piyada yolları, sahilboyu yollar, balıqçılıq limanları, eləcə də müxtəlif irili-xırdalı yaşayış məntəqələri daxil edilib.
Bu barədə ABŞ Geoloji Xidmətindən (USGS) məlumat verilib.
Məlumata görə, Cənubi Amerika qitəsində yerləşən Çilinin cənub bölgələrində təbii fəlakət qeydə alınıb. 7.5 bal gücündə zəlzələnin episentri Antarktika yarımadasının sahilləri yaxınlığında yerləşən Dreyk keçidi olub.
Mütəxəssislər bildiriblər ki, yeraltı təkanlar təxminən 10.8 kilometr dərinlikdə baş verib. Bu baxımdan, zəlzələ Çilinin müxtəlif şəhərlərində, eləcə də Argentinanın qonşu regionlarında güclü hiss olunub. Yerli sakinlərin və hadisə şahidlərinin sözlərinə görə, yerin silkələnməsi bir neçə dəqiqə davam edib, bundan sonra insanlar küçələrə axışıb.
Zəlzələdən sonra Çili Hərbi Dəniz Qüvvələrinin Hidroqrafiya və Okeanoqrafiya Xidməti (SHOA) sunami təhlükəsi barədə rəsmi xəbərdarlıq edib. Təşkilat nümayəndələri əhalini diqqətli olmağa çağırıb və bir sıra ərazilərin məcburi təxliyəsini elan ediblər.
Məcburi təxliyəyə sahilyanı torpaqlar, qayalı sahillər, bataqlıq ərazilər, çay mənsəbləri, sahil xətləri, piyada yolları, sahilboyu yollar, balıqçılıq limanları, eləcə də müxtəlif irili-xırdalı yaşayış məntəqələri daxil edilib.
