Rusiya aviaşirkəti Omskdan Bakıya müntəzəm reyslər təşkil edəcək

Rusiyanın "Utair" aviaşirkəti Azərbaycana müntəzəm təyyarə reysləri həyata keçirməyə icazə alıb.

Bu barədə Gorod55.ru portalı məlumat yayıb.

Reyslər Rusiyanın Omsk şəhərindən həyata keçiriləcək. Belə ki, tezliklə Omsk sakinləri artıq iki fərqli şirkətin təyyarələri ilə Bakıya uçmaq imkanı əldə edəcəklər. Hazırda "İrAero" aviaşirkəti Bakıya reyslər həyata keçirir.

"Utair" aviaşirkətinə həftədə üç dəfəyə qədər Bakıya uçmaq imkanı veriləcək.

Məlumat üçün əlavə edək ki, eyni istiqamətdə "İrAero" aviaşirkəti həftədə bir dəfə olmaqla uçuş həyata keçirir.