Naxçıvanın enerji sistemi yenidən qurulur » Median.Az - Bütün xəbərlər bir ünvanda
19:52 Goranboyda bir ailə avtomobil qəzasına düşüb, ölənlər və xəsarət alanlar var  |     19:46 Sabah 41 dərəcə isti olacaq  |     19:39 Tramp Pakistana səfər edəcək  |     19:32 IOM: Çin-Azərbaycan vizasız rejim modeli digər Asiya ölkələri üçün nümunə ola bilər  |     19:24 Azərbaycan və Vyetnam üçillik Fəaliyyət Planını qəbul ediblər  |     19:19 Rusiyanın 18 qat çempionu 6 ay müddətinə diskvalifikasiya olunub  |     19:11 Azərbaycan avtomobil idxalına çəkdiyi xərci 23 %-dən çox artırıb  |     19:04 Alyaska sahillərində 5,7 maqnitudalı daha bir zəlzələ olub  |     18:59 UEFA Avropa Liqası: "Sabah" Sloveniyada cavab matçına çıxacaq  |     18:52 Bakıda avtomobil qadını vuraraq öldürüb  |     18:43 Britaniyada terrorizm ittihamı ilə üç qadın həbs edilib  |     18:38 Qəhvənin psixika üçün faydalı xüsusiyyəti müəyyən edilib  |     18:30 Laçında meşə yanğınına görə 3 nəfər məsuliyyətə cəlb olunub - BİRGƏ MƏLUMAT  |     18:22 Azərbaycanda unun topdansatış qiymətləri açıqlanıb  |     18:12 Atasını döyərək öldürməkdə təqsirləndirilənə HÖKM OXUNDU  |     18:01 Bakıda klinika direktoru olan əri tərəfindən güllələnən qadının VƏZİYYƏTİ AÇIQLANDI  |     17:44 İsraildə üç nazir eyni gündə istefa ərizəsi yazıb  |     17:33 Dövlət əleyhinə açıq çağırışlara görə DTX-nın saxladığı Mirədalət Talışxanovun məhkəməsi başlayıb  |     17:16 Qadın prokurorlara yeni vəzifə verildi  |     17:15 "8-ci kilometr" bazarının adı dəyişdi  |    

Naxçıvanın enerji sistemi yenidən qurulur

Naxçıvan Muxtar Respublikasında ötən əsrin 50-ci illərinin sonlarından istismarda olan hava elektrik verilişi xətlərinin "AzərEnerji" ASC tərəfindən sökülərək yenidən qurulmasına başlanılıb.

Bu barədə "AzərEnerji" ASC məlumat yayıb.

Bildirilir ki, ilkin mərhələdə 110 kilovoltluq "Culfa", "Ordubad-1" və "Ordubad-2" hava elektrik verilişi xətləri ikidövrəli olmaqla, ümumilikdə 68 km məsafədə yenidən çəkilir.

Qeyd edək ki, Naxçıvan ötürücü şəbəkəsində istismar müddətini çoxdan keçən xətlərdə həyata keçirilən işlər nəticəsində enerjinin ötürülmə qabiliyyətini yüksəltməklə yanaşı, enerji təchizatında baş verə biləcək nasazlıqların, qəzaların qarşısı alınacaq, dayanıqlığı və etibarlığı artırılacaq.

Azərbaycan Respublikası Prezidentinin 23 noyabr 2024-cü il tarixli "Elektrik enerjisi və su təchizatı sahələrində idarəetmənin təkmilləşdirilməsi və bununla əlaqədar bəzi məsələlərin tənzimlənməsi haqqında" 235 nömrəli Fərmanının icrasına uyğun olaraq, "Azərenerji" Açıq Səhmdar Cəmiyyəti tərəfindən Naxçıvan Muxtar Respublikası enerji sisteminin elektrik enerjisi generasiya və ötürücü infrastrukturlarının idarəedilməsi üçün cəmiyyətin tərkibində "Naxçıvan Enerji" MMC təsis edilib, həmçinin "Naxçıvan Muxtar Respublikasının Elektroenergetika Strategiyası" hazırlanıb.

Strategiyada "2025-2027-ci illər üzrə Reabilitasiya və Yenidənqurma Tədbirləri" və "Strateji Baxış İstiqamətləri" müəyyən olunub.

Bu işlər çərçivəsində 110 kilovoltluq "Culfa", "Ordubad-1" və "Ordubad-2" ötürmə xətlərinin yenidən çəkilməsi ilə yanaşı 154/110/10 kV-luq "Babək", 110/35/10 kV-luq "Çeşməbasar" və 110/35/10 kV-luq "Naxçıvan" yarımstansiyaları müasir tələblərə uyğun olaraq tam şəkildə yenidən qurulacaq. Həmçinin, Naxçıvan Regional Rəqəmsal İdarəetmə və SCADA mərkəzi, eləcə də yardımçı texniki infrastrukturlar da yaradılacaq.скачать dle 11.3




Şahidi olduğunuz hadisələri çəkib bizə göndərin!




            129 17.07.25 12:41