Bakıda qadın güllələnib, KLİNİKA DİREKTORU olan əri saxlanılıb (Yenilənib)

Yasamalda həyat yoldaşını güllələyən şəxs Bakıdakı özəl klinikalardan birinin rəhbəridir.

Median.Az APA-ya istinadən xəbər verir ki, həyat yoldaşını odlu silahla yaralamaqda şübhəli bilinərək saxlanılan Vasif Qaraxan oğlu Kərimov "Referans Medı-Art Hospital" MMC-nin (Mərdəkan filialı) direktorudur.

* * * * *

Bakının Yasamal rayonunda baş verən güllələnmə hadisəsi ailə münaqişəsi zəminində baş verib.

Hadisə günorta saatlarında qeydə alınıb.

1987-ci il təvəllüdlü Vasif Kərimov evdə münaqişə zəminində həyat yoldaşını güllələyib.

Qadın ağır vəziyyətdə akademik Mirqasımov adına Respublika Klinik Xəstəxanasına yerləşdirilib, vəziyyəti ağırdır.

Keçirilən əməliyyat nəticəsində hadisəni törətməkdə şübhəli bilinən V.Kərimovu saxlanılıb və ondan cinayətdə istifadə etdiyi ov tüfəngi götürülüb.

Faktla bağlı araşdırma aparılır.

* * * * *

Bakıda qadın qətlə yetirilib.

Oxu.az-ın məlumatına görə, hadisə paytaxtın Yasamal rayonu, M.Xiyabani küçəsi, 2a ünvanında baş verib. Həmin ünvanda yaşayan qadın odlu silahdan açılan atəş nəticəsində öldürülüb.

Hadisədə qadının həyat yoldaşının şübhəli bilindiyi deyilir.

Faktla bağlı araşdırma aparılır.

Qeyd edək ki, cütlüyün birgə nikahdan iki övladı var.