Rusiyanın Gümrüdəki bazasının hərbçisi özünü güllələdi

Ermənistanın Gümrü şəhərindəki tibb mərkəzinə başından güllə yarası almış rusiyalı hərbçi yerləşdirilib. Yaralı təcili cərrahi əməliyyat edilib və hazırda o, reanimasiya şöbəsində, komatoz vəziyyətdə saxlanılır.

Median.Az bu barədə erməni mediasına istinadla məlumat verir.

Bildirilir ki, yaralanan şəxs Rusiyanın Ermənistandakı 102-ci hərbi bazasında xidmət edən əsgər 2002-ci il təvəllüdlü Aleksey Q. - dır. Rusiyalı hərbçinin özünə odlu silahdan atəş açaraq xəsarət yetirdiyi vurğulanıb.

Onun vəziyyəti son dərəcə ağır olaraq qiymətləndirilir.