Rusiya Azərbaycanın iki müəssisəsinin süd məhsullarının idxalına qadağa qoydu

Rusiyanın Baytarlıq və Fitosanitar Nəzarət Xidməti ("Rosselxoznadzor") iyulun 11-dən etibarən Azərbaycan istehsalçıları olan "ALLBUY" MMC və "MILK PRODUCTS" MMC-nin bütün növ süd məhsullarının idxalını qadağan edib.

Median.Az bu barədə "Rosselxoznadzor"un saytına istinadla xəbər verir.

Qərar Azərbaycan müəssisələrinin Rusiya tərəfinin yoxlamalarını qəbul etməkdən imtina etməsi və onların öz məhsullarını gələcəkdə Rusiyaya tədarük etməkdə maraqlı olmaması ilə bağlıdır.