Ermənistanın Müdafiə Nazirliyinin (MN) poliqonlarından birində baş verən partlayış nəticəsində səkkiz hərbçi yaralanıb.
Median.Az Ermənistan KİV-ə istinadən xəbər verir ki, bu barədə ölkənin MN məlumat yayıb.
Qeyd olunur ki, xəsarət alanlar təlim iştirakçıları, eləcə də onlarla birgə təlim keçirmiş polkovnik-leytenantdır. Onların həyatları üçün heç bir təhlükə yoxdur.
Məlumata görə, yaralılar hərbi hospitalın həkimlərinin nəzarəti altındadırlar və onlara müvafiq tibbi yardım göstərilir.
Daha əvvəl Ermənistan MN məlumat vermişdi ki, iyulun 8-də saat 16 radələrində nazirliyin poliqonlarından birində keçirilən təlimlər zamanı ilkin məlumata görə, minaatanlardan açılan atəş zamanı partlayış baş verib, nəticədə bir neçə nəfər xəsarət alıb.
Şahidi olduğunuz hadisələri çəkib bizə göndərin!
Son Əlavə