ABŞ prezident Administrasiyası əvvəllər ölkənin baş prokuroru və ədliyyə naziri Pem Bondinin xatırlatdığı səs-küyə səbəb olmuş maliyyəçi Cefri Epşteynin "müştəri siyahısı"nın mövcudluğunu rəsmən təkzib edib.
Median.Az TASS-a istinadən xəbər verir ki, jurnalistlər üçün keçirilən növbəti brifinqdə Ağ Evin mətbuat katibi Karolin Levitt vəziyyəti ziddiyyətli bəyanatlarla izah edib.
"Bondi bütün sənədlərdən, Cefri Epşteynin cinayətləri ilə bağlı bütün sənədlərdən, kağızlardan danışıb. Baş prokuror məhz bundan danışıb", - deyə Levitt Bondinin fevral ayında "Fox News"a verdiyi müsahibə ilə bağlı sualı cavablandırarkən deyib.
Xatırladaq ki, Bondi həmin müsahibədə Epşteynin "müştəri siyahısı"nın mümkün nəşri ilə bağlı sualı cavablandırarkən bu sənədin iş masasının üstündə olduğunu bildirərək, mediada və sosial şəbəkələrdə fərziyyələr dalğasına səbəb olmuşdu.
Bundan əvvəl nüfuzlu "Axios" portalı məlumat vermişdi ki, nə ABŞ Ədliyyə Nazirliyi, nə də Federal Təhqiqatlar Bürosu Epşteynin müştərilər siyahısının mövcudluğuna dair sübut tapmayıb. Həmçinin maliyyəçi tərəfindən nüfuzlu şəxslərin şantaj edilməsinə dair heç bir dəlil və ya onun qətli ilə bağlı versiyanın hər hansı təsdiqi tapılmayıb.
Şahidi olduğunuz hadisələri çəkib bizə göndərin!
Son Əlavə