Qubada Vətən müharibəsi iştirakçısı kafedə döyülüb.
Oxu.az-ın məlumatına görə, hadisə Quba rayonunda kafelərdən birində baş verib. Rayon sakini Asif Əliyev (adı və soyadı şərtidir) kafeyə gələrək orada pivə içib. Bir neçə bakal pivə içən Asif kafedə oturan Ceyhun adlı qazinin danışdığını görüb. O, Ceyhuna yaxınlaşaraq, ona irad tutub və müharibədə olmadığı halda yalan danışdığını bildirib. Ceyhun onun danışığına fikir verməsə də, o, qazini vurub.
Kafe sahibinin müdaxiləsindən sonra onlar obyekti tərk etsələr də, mübahisə davam edib. Asif kafedən çıxandan sonra yenidən Ceyhuna hücum edərək onu döyüb.
Hadisə yerinə polis əməkdaşları gəliblər, faktla bağlı cinayət işi başlanıb və iş məhkəməyə göndərilib.
Məhkəmənin hökmü ilə A.Əliyevə 9 ay azadlığın məhdudlaşdırılması cəzası təyin edilib və ona elektron qolbaq taxılıb.
Şahidi olduğunuz hadisələri çəkib bizə göndərin!
Son Əlavə