Medvedev Rusiyanın İrana nüvə silahı verib-verməyəcəyi məsələsinə aydınlıq gətirdi

"Rusiya İrana nüvə silahı tədarük etmək niyyətində deyil, çünki İsraildən fərqli olaraq, biz Nüvə Silahının Yayılmaması haqqında Müqavilənin iştirakçısıyıq".

Median.Az "Kommersant" nəşrinə istinadla xəbər verir ki, bunu Rusiya Təhlükəsizlik Şurası sədrinin müavini Dmitri Medvedev deyib.

O əlavə edib ki, belə bir addımın nəticələrini gözəl başa düşür, çünki prezident olarkən nüvə qüvvələrinə nəzarət edib.

Medvedev bununla da "başqa ölkələr İrana nüvə başlıqları tədarük etməyə hazırdır" sözlərinə reaksiya verən ABŞ lideri Donald Trampa cavab verib.

Tramp sosial şəbəkə hesabında Medvedevə cavab olaraq yazmışdı ki, "əgər o, belə bir söz deyibsə, dərhal mənə bildirin".