Neft və kimyəvi maddələrin daşınması üçün nəzərdə tutulan üç boş tanker ABŞ-nin Tehranın nüvə obyektlərinə havadan endirdiyi zərbələrə cavab olaraq İranın Hörmüz boğazını bağlayıb-bağlamayacağı ilə bağlı artan qeyri-müəyyənlik fonunda istiqamətini dəyişib.
Bu barədə gəmilərin hərəkətini izləyən “Marine Traffic” internet xidmətinin məlumatında deyilir.
"Ballastda olan və yük daşımayan, əvvəllər boğaza doğru hərəkət edən “Marie C” və “Red Ruby” tankerləri BƏƏ sahillərində Fuceyra yaxınlığında lövbər salıb", - məlumatda qeyd edilib.
Yaponiyanın “Nippon Yusen” və “Mitsui OSK Lines” şirkətlərinin məlumatına görə, onlar Hörmüz boğazından keçməyə davam edən gəmilərinə körfəzdə qalma müddətini azaltmağı tapşırıblar.
Şahidi olduğunuz hadisələri çəkib bizə göndərin!
Son Əlavə