AFFA və Azərbaycan Əlillər Futbolu Federasiyasının birgə təşkilatçılığı, Sahə Futbol Federasiyasının və Azərbaycan Deflimpiya Komitəsinin dəstəyi ilə eşitmə məhdudiyyətlilər arasında minifutbol üzrə Respublika turniri keçiriləcək.
Median.Az AFFA-nın mətbuat xidmətinə istinadən xəbər verir ki, turnir iyunun 20-24-ü aralığında Lənkəranda baş tutacaq.
Yarışda 9 komanda iki qrupda mübarizə aparacaq. Bir qrupda 5, digərində isə 4 komanda çıxış edəcək. Qruplarda ilk iki yeri tutacaq kollektivlər yarımfinala vəsiqə qazanacaqlar.
Qeyd edək ki, son gündə mükafatlandırma mərasimi olacaq.
Şahidi olduğunuz hadisələri çəkib bizə göndərin!
Son Əlavə