Durov Makronun mesajına cavab vermədi
Fransa xüsusi xidmətinin Rumıniyada keçirilən seçkiyə mümkün müdaxiləsi ilə bağlı səs-küylü qalmaqaldan sonra "Telegram"ın həmtəsisçisi Pavel Durov Fransa Prezidenti Emmanuel Makronun şəxsi mesajına məhəl qoymadığını açıq şəkildə etiraf edib.
Bu barədə o, Fransanın "Le Point" jurnalına müsahibəsində danışıb. Rusiyalı sahibkar Fransa rəhbəri ilə münasibətlərinin təfərrüatını açıqlayıb və qeyd edib ki, Makron əvvəllər mütəmadi olaraq "Telegram"da ona müxtəlif mövzularda mesajlar göndərib.
"O, mənə mesaj göndərdi. Mən ona cavab vermədim", - deyə Durov Fransa prezidenti ilə son təmasını lakonik şəkildə şərh edib.
Onun sözlərinə görə, Makrondan mesaj məhz Durovun Fransa hakimiyyətinin Rumıniyadakı seçkiyə təsir etmək cəhdi ilə bağlı açıq şəkildə bəyanatla çıxış etdiyi gün gəlib. May ayında Durov Fransa kəşfiyyatının rəhbəri Nikolya Lernerin "Telegram"da rumın mühafizəkarlarının kanallarının və nəşrlərinin bloklanmasını tələb etdiyini açıqlamışdı.
Pavel Durov, həmçinin vurğulayıb ki, belə bir təklif olacağı təqdirdə Fransa prezidenti ilə şəxsi görüşdən imtina edərdi.
Xatırladaq ki, may ayında Pavel Durov şəxsən Rumıniyaya getməyə və Fransanın bu ölkədə keçirilən prezident seçkisinə mümkün müdaxiləsi ilə bağlı ifadə verməyə hazır olduğunu bildirmişdi. Bu addım Fransa hökumətinə və şəxsən Makrona birbaşa çağırış kimi qəbul edilmişdi.
Vəziyyət xüsusilə ona görə diqqət çəkir ki, 2021-ci ildə Fransa vətəndaşlığını almış Durov vətəndaşı olduğu ölkənin hakimiyyətinin hərəkətlərinə açıq şəkildə qarşı çıxır.
Bu barədə o, Fransanın "Le Point" jurnalına müsahibəsində danışıb. Rusiyalı sahibkar Fransa rəhbəri ilə münasibətlərinin təfərrüatını açıqlayıb və qeyd edib ki, Makron əvvəllər mütəmadi olaraq "Telegram"da ona müxtəlif mövzularda mesajlar göndərib.
"O, mənə mesaj göndərdi. Mən ona cavab vermədim", - deyə Durov Fransa prezidenti ilə son təmasını lakonik şəkildə şərh edib.
Onun sözlərinə görə, Makrondan mesaj məhz Durovun Fransa hakimiyyətinin Rumıniyadakı seçkiyə təsir etmək cəhdi ilə bağlı açıq şəkildə bəyanatla çıxış etdiyi gün gəlib. May ayında Durov Fransa kəşfiyyatının rəhbəri Nikolya Lernerin "Telegram"da rumın mühafizəkarlarının kanallarının və nəşrlərinin bloklanmasını tələb etdiyini açıqlamışdı.
Pavel Durov, həmçinin vurğulayıb ki, belə bir təklif olacağı təqdirdə Fransa prezidenti ilə şəxsi görüşdən imtina edərdi.
Xatırladaq ki, may ayında Pavel Durov şəxsən Rumıniyaya getməyə və Fransanın bu ölkədə keçirilən prezident seçkisinə mümkün müdaxiləsi ilə bağlı ifadə verməyə hazır olduğunu bildirmişdi. Bu addım Fransa hökumətinə və şəxsən Makrona birbaşa çağırış kimi qəbul edilmişdi.
Vəziyyət xüsusilə ona görə diqqət çəkir ki, 2021-ci ildə Fransa vətəndaşlığını almış Durov vətəndaşı olduğu ölkənin hakimiyyətinin hərəkətlərinə açıq şəkildə qarşı çıxır.
