Azərbaycanda 4 ayda qoruq və muzeyləri 277 mindən çox insan ziyarət edib

Bu ilin yanvar-aprel aylarında Dövlət Turizm Agentliyi yanında Qoruqları İdarəetmə Mərkəzinin tabeliyindəki qoruq və mədəniyyət müəssisələrini (muzeylər) ümumilikdə 277 175 nəfər ziyarət edib.

Median.Az bu barədə Mərkəzin hesabatına istinadən xəbər verir.

Sənədə əsasən, bunun 42 473 nəfəri yerli, 203 153 nəfəri əcnəbi, 31 549 nəfəri isə ödənişsiz kateqoriyaya daxil olub.

Ən çox ziyarət edilən məkanlardan biri “Yanardağ” Dövlət Tarix-Mədəniyyət və Təbiət Qoruğu olub. Bu obyektə 91 474 əcnəbi, 9 579 yerli, ümumilikdə 109 minə yaxın ziyarətçi baş çəkib.

İkinci yerdə “Atəşgah məbədi” Dövlət Tarix-Memarlıq Qoruğu qərarlaşıb. Buraya 81 376 nəfər əcnəbi, 7 182 nəfər yerli turist səfər edib. Ödənişsiz ziyarətçilərin sayı isə 7 412 nəfər olub.

Daha sonra “Yuxarı Baş” Milli Tarix-Memarlıq Qoruğu gəlir. Bu qoruğa 4 ayda 14 209 nəfər yerli, 15 906 nəfər əcnəbi, 7 187 nəfər isə ödənişsiz şəkildə giriş əldə edib.

“Palçıq Vulkanları Turizm Kompleksi” də turistlərin böyük marağına səbəb olub. Hesabat dövründə kompleksi 10 396 əcnəbi, 2 270 yerli, 2 276 ödənişsiz ziyarətçi gəlib görüb. Kompleksə giriş biletlərinin qiyməti yerli turistlər üçün 5 manat, xaricilər üçün 15 manatdır. Müvafiq güzəştli kateqoriyalara isə giriş ödənişsizdir.

Digər obyektlərə gəldikdə isə:

“Kiş” Tarix-Memarlıq Qoruğu: 4 294 yerli, 4 572 əcnəbi, 1 713 ödənişsiz

“Diri Baba” türbəsi: 3 115 yerli, 4 359 əcnəbi, 3 378 ödənişsiz

“Basqal” Dövlət Tarix-Mədəniyyət Qoruğu: 876 yerli, 87 əcnəbi, 280 ödənişsiz

“Lahıc” Tarix-Diyarşünaslıq Muzeyi: 341 yerli, 146 əcnəbi, 249 ödənişsiz

Şəki Dövlət Rəsm Qalereyası: 607 yerli, 237 əcnəbi, 483 ödənişsiz

Ziyarətçi axınının xüsusilə mart və aprel aylarında intensivləşdiyi müşahidə olunur. Məsələn, təkcə apreldə qoruqlara və mədəniyyət müəssisələrinə 85 408 əcnəbi, 12 163 yerli, 12 687 ödənişsiz şəxs baş çəkib.

Qoruqları İdarəetmə Mərkəzinin tabeliyindəki müəssisələrdə bilet qiymətləri müxtəlifdir. Yerli vətəndaşlar üçün bilet qiymətləri adətən 1-5 manat arasında dəyişir, tələbələrə isə güzəştli tariflər tətbiq olunur. Xarici turistlər üçün giriş qiymətləri əsasən 9 manatdan başlayır. Əlilliyi olan şəxslər, məktəblilər, qazilər, müharibə veteranları və şəhid ailəsi üzvləri isə qoruqlara ödənişsiz daxil ola bilirlər. 12 yaşa qədər xarici turistlərə də giriş pulsuzdur.скачать dle 11.3

Şahidi olduğunuz hadisələri çəkib bizə göndərin!