Elektrik dirəkləri aşıb, transformatorlar sıradan çıxıb. Seldən sonra yaranan problem hələ də qalmaqdadır.
Median.Az Xəzər TV-yə istinadən məlumat verir ki, Qubanın rayon mərkəzindən 80 km məsafədə yerləşən Qarxun kəndində bu günədək elektrik enerjisi yoxdur. Sakinlər 24 gündür ki, işıqsız qalıblar.
Aprel ayının ortasında güclü qar və yağıntılar səbəbindən Qarxunla Adur kəndləri arasındakı 40 elektrik dirəyi aşıb, kəndin yeganə transformatoru da sıradan çıxıb.
Qarxunda, həmçinin sel suları yollara da ziyan vurub. Kəndin yolu yalnız bir neçə gün əvvəl qismən açılıb. Lakin enerji xətləri hələ də bərpa edilməyib.
Məsələ ilə bağlı Quba Rayon İcra Hakimiyyətindən bildiriblər ki, təkcə Qarxun kəndində deyil, hazırda Quba rayonunda 20-dən çox kənddə işıq yoxdur. Elektrik dirəklərinin və yolların bərpası istiqamətində işlər görülür. Briqadalar ərazilərə cəlb olunublar. Qarxun kəndində də problem yaxın günlərdə həllini tapacaq.
Ətraflı süjetdə:
Şahidi olduğunuz hadisələri çəkib bizə göndərin!
Son Əlavə