Fransada Napoleonun qılıncı hərraca çıxarılacaq
Fransa imperatoru I Napoleonun (1769-1821) hakimiyyətinin əvvəlindən sonuna kimi saxladığı qılınc ilk dəfə hərraca çıxarılacaq.
Bu barədə AFP agentliyi satışın təşkil olunacağı "Drouot" hərrac evinin bəyanatına istinadən xəbər verir.
1802-ci ildə Napoleon Fransa Respublikasının Birinci Konsulu olduqda, Versal manufakturasının rəhbəri Nikolas-Noel Boutetdən şəxsi istifadə üçün qılınc sifariş edib. Hərrac evi vurğulayıb ki, Napoleon imperator taxtına oturduqdan sonra da bu silahı hakimiyyətinin sonuna qədər saxlayıb.
O, taxtdan imtina etdikdən sonra qılıncını ən yaxın silahdaşlarından birinə, marşal Emmanuel de Qruşiyə verib. “Silah 1815-ci ildən marşalın övladlarında saxlanılır və ilk dəfə açıq hərraca çıxarılacaq”, - hərrac evindən bildirilib.
Agentlik qeyd edib ki, iki qılınc Napoleonun sifarişi ilə Versal manufakturasında hazırlanıb. Hərraca çıxarılanla eyni olan ikinci qılınc Rusiyada, Sankt-Peterburq Ermitaj Muzeyinin kolleksiyasındadır.
Mütəxəssislər onun dəyərini 700 min avro ilə 1 milyon avro arasında qiymətləndirirlər. Hərrac mayın 22-də Parisdəki “H tel Drouot” mehmanxanasında keçiriləcək.
Napoleona məxsus əşyaların hərracları ənənəvi olaraq böyük diqqət çəkir. Son böyük hadisələrdən biri Napoleon Bonapartın Rusiya imperiyası və müttəfiqlərinin orduları tərəfindən məğlubiyyətindən sonra intihar etmək üçün istifadə etməyi planlaşdırdığı kolleksiyasından iki tapançanın 1,69 milyon avroya satılması olub. Hərracdan bir gün əvvəl Fransa Mədəniyyət Nazirliyi tapançaları milli sərvət elan edib və onların ölkədən çıxarılmasını qadağan edib.
//report
Bu barədə AFP agentliyi satışın təşkil olunacağı "Drouot" hərrac evinin bəyanatına istinadən xəbər verir.
1802-ci ildə Napoleon Fransa Respublikasının Birinci Konsulu olduqda, Versal manufakturasının rəhbəri Nikolas-Noel Boutetdən şəxsi istifadə üçün qılınc sifariş edib. Hərrac evi vurğulayıb ki, Napoleon imperator taxtına oturduqdan sonra da bu silahı hakimiyyətinin sonuna qədər saxlayıb.
O, taxtdan imtina etdikdən sonra qılıncını ən yaxın silahdaşlarından birinə, marşal Emmanuel de Qruşiyə verib. “Silah 1815-ci ildən marşalın övladlarında saxlanılır və ilk dəfə açıq hərraca çıxarılacaq”, - hərrac evindən bildirilib.
Agentlik qeyd edib ki, iki qılınc Napoleonun sifarişi ilə Versal manufakturasında hazırlanıb. Hərraca çıxarılanla eyni olan ikinci qılınc Rusiyada, Sankt-Peterburq Ermitaj Muzeyinin kolleksiyasındadır.
Mütəxəssislər onun dəyərini 700 min avro ilə 1 milyon avro arasında qiymətləndirirlər. Hərrac mayın 22-də Parisdəki “H tel Drouot” mehmanxanasında keçiriləcək.
Napoleona məxsus əşyaların hərracları ənənəvi olaraq böyük diqqət çəkir. Son böyük hadisələrdən biri Napoleon Bonapartın Rusiya imperiyası və müttəfiqlərinin orduları tərəfindən məğlubiyyətindən sonra intihar etmək üçün istifadə etməyi planlaşdırdığı kolleksiyasından iki tapançanın 1,69 milyon avroya satılması olub. Hərracdan bir gün əvvəl Fransa Mədəniyyət Nazirliyi tapançaları milli sərvət elan edib və onların ölkədən çıxarılmasını qadağan edib.
//report
