Özbəkistan sabiq prezident İslam Kərimovun qızı Gülnarə Kərimovaya məxsus olan və İsveçrədə müsadirə edilmiş 95 milyon dollar məbləğində vəsaiti geri qaytarıb.
Median.Az-ın "İnterfaks"a istinadla verdiyi məlumata görə, bu barədə ölkənin iqtisadiyyat və maliyyə nazirinin müavini Otabek Fozilkarimov məlumat verib.
Onun sözlərinə görə, ümumilikdə 131 milyon dolların qaytarılması barədə razılıq əldə olunub. Bundan əvvəl İsveçrədən gələn vəsaitin 87 milyon dolları səhiyyə və təhsil sahələrinə yönləndirilib.
Hazırda Belçikadan 108 milyon dolların qaytarılması üçün də işlər görülür. Ümumilikdə, Özbəkistana qaytarılacaq vəsaitlərin məbləği 313 milyon dollara çatacaq.
Vəsaitlər BMT-nin "Uzbekistan Vision 2030" çoxtərəfli fondunun xətti ilə ölkəyə qaytarılır və əsasən əhalinin sosial rifahını artıran layihələrə sərf olunacaq.
Qeyd edək ki, Gülnarə Kərimova 2015-ci ildən etibarən korrupsiya, reket və vergi yayınması səbəbilə məhkəmə qərarı ilə azadlıqdan məhrum edilib. Onun barəsində aparılan istintaqlar nəticəsində 1.3 milyard dollardan çox vəsaitin digər ölkələrdən geri qaytarılması planlaşdırılır.
Şahidi olduğunuz hadisələri çəkib bizə göndərin!
Son Əlavə