Sevgililər Günündə aldadıb evə çağırdılar, döydülər - Ən az cəza səkkiz il oldu
Bakıda vətəndaşa qarşı quldurluq etməkdə təqsirləndirilən Məmixan Məmmədov, Sadiq Əzizov və Sultanə Həsrətovanın cinayət işi üzrə məhkəmənin yekun iclası keçirilib.
Bakı Ağır Cinayətlər Məhkəməsində hakimi Rasim Sadıxovun sədrliyi ilə keçirilən sonuncu iclasda hökm elan edilərək təqsirləndirilənlərdən Məmixan Məmmədov 8 il 6 ay, Sadiq Əzizov 8 il 6 ay, Sultanə Həsrətova isə 8 il müddətinə azadlıqdan məhrum ediliblər.
Qeyd edək ki, Məmixan Məmmədova və Sultanə Həsrətovaya qarşı Cinayət Məcəlləsinin 181.2.1-ci (Quldurluq, qabaqcadan əlbir olan bir qrup şəxs tərəfindən törədildikdə) və Sadiq Əzizova isə 181.2.5. (Quldurluq, silah və ya silah qismində istifadə edilən əşyalar tətbiq edilməklə törədildikdə) və 181.2.1-ci (Quldurluq, qabaqcadan əlbir olan bir qrup şəxs tərəfindən törədildikdə) maddələri ilə ittiham irəli sürülüb.
İttihama görə, Məmixan Məmmədov tamah niyyəti ilə özgənin əmlakını ələ keçirmək məqsədilə tanışı Sadiq Əzizov və qeyri-rəsmi ər-arvad münasibətində birlikdə yaşadığı Sultanə Həsrətova ilə qabaqcadan əlbir olan bir qrup şəxs halında birləşib cinayət əlaqəsinə giriblər.
Məqsəd Sultanǝ Həsrətovanın müxtəlif vətəndaşlarla sosial şəbəkə vasitəsilə tanış olub yaşadıqları evə dəvət etmək, Məmixan Məmmədov və Sadiq Əzizovun sonradan evə daxil olaraq həmin şəxslərin əmlaklarını quldurluq yolu ilə ələ keçirib öz aralarında bölmək olub.
Məmixan Məmmədov və Sadiq Əzizov "Instagram"da özlərini "Fatimə" adı ilə təqdim edərək bir nəfərlə tanış olublar. Həmin şəxsi Sevgililər Günü - fevralın 14-də Bakıda kirayə yaşadıqları evə dəvət ediblər.
İttiham aktında göstərilib ki, qrupun üzvü olan Sultanǝ Həsrətova V.Z.-ni qarşılayaraq həmin evə gətirdikdən sonra, əvvəlcədən əldə edilmiş razılığa görə, Məmixan Məmmədov özünü Sultanǝ Həsrətovanın əri kimi təqdim edib. Guya qısqanclıq zəminində V.Z.-nin Sultanǝ Həsrətova ilə mesajlaşmasını bəhanə gətirməklə onu döyüb. Sadiq Əzizov isə dəmir boru ilə ona yüngül dərəcəli bədən xəsarətləri yetirib.
Daha sonra Məmixan və Sadiq zərərçəkmişin smart qol saatını götürüblər, eyni zamanda, 1 500 manat məbləğində ziyan vurublar.
Təqsirləndirilən şəxslər elan edilən ittihamla özlərini təqsirli bilməyiblər.
//oxu.az
Bakı Ağır Cinayətlər Məhkəməsində hakimi Rasim Sadıxovun sədrliyi ilə keçirilən sonuncu iclasda hökm elan edilərək təqsirləndirilənlərdən Məmixan Məmmədov 8 il 6 ay, Sadiq Əzizov 8 il 6 ay, Sultanə Həsrətova isə 8 il müddətinə azadlıqdan məhrum ediliblər.
Qeyd edək ki, Məmixan Məmmədova və Sultanə Həsrətovaya qarşı Cinayət Məcəlləsinin 181.2.1-ci (Quldurluq, qabaqcadan əlbir olan bir qrup şəxs tərəfindən törədildikdə) və Sadiq Əzizova isə 181.2.5. (Quldurluq, silah və ya silah qismində istifadə edilən əşyalar tətbiq edilməklə törədildikdə) və 181.2.1-ci (Quldurluq, qabaqcadan əlbir olan bir qrup şəxs tərəfindən törədildikdə) maddələri ilə ittiham irəli sürülüb.
İttihama görə, Məmixan Məmmədov tamah niyyəti ilə özgənin əmlakını ələ keçirmək məqsədilə tanışı Sadiq Əzizov və qeyri-rəsmi ər-arvad münasibətində birlikdə yaşadığı Sultanə Həsrətova ilə qabaqcadan əlbir olan bir qrup şəxs halında birləşib cinayət əlaqəsinə giriblər.
Məqsəd Sultanǝ Həsrətovanın müxtəlif vətəndaşlarla sosial şəbəkə vasitəsilə tanış olub yaşadıqları evə dəvət etmək, Məmixan Məmmədov və Sadiq Əzizovun sonradan evə daxil olaraq həmin şəxslərin əmlaklarını quldurluq yolu ilə ələ keçirib öz aralarında bölmək olub.
Məmixan Məmmədov və Sadiq Əzizov "Instagram"da özlərini "Fatimə" adı ilə təqdim edərək bir nəfərlə tanış olublar. Həmin şəxsi Sevgililər Günü - fevralın 14-də Bakıda kirayə yaşadıqları evə dəvət ediblər.
İttiham aktında göstərilib ki, qrupun üzvü olan Sultanǝ Həsrətova V.Z.-ni qarşılayaraq həmin evə gətirdikdən sonra, əvvəlcədən əldə edilmiş razılığa görə, Məmixan Məmmədov özünü Sultanǝ Həsrətovanın əri kimi təqdim edib. Guya qısqanclıq zəminində V.Z.-nin Sultanǝ Həsrətova ilə mesajlaşmasını bəhanə gətirməklə onu döyüb. Sadiq Əzizov isə dəmir boru ilə ona yüngül dərəcəli bədən xəsarətləri yetirib.
Daha sonra Məmixan və Sadiq zərərçəkmişin smart qol saatını götürüblər, eyni zamanda, 1 500 manat məbləğində ziyan vurublar.
Təqsirləndirilən şəxslər elan edilən ittihamla özlərini təqsirli bilməyiblər.
//oxu.az
