Azərbaycan millisindən kənarlaşdırılan qapıçı Xorvatiya ilə matçda da oynamayacaq

İntizamsızlıq səbəbindən Azərbaycanın futzal millisindən kənarlaşdırılan Rövşən Hüseynli Avropa çempionatının seçmə oyunlarının əsas mərhələsində bu gün baş tutacaq Xorvatiya ilə matçda da oynamayacaq.

Median.Az "Report"a istinadən xəbər verir ki, baş məşqçi Vitali Borisov təcrübəli qapıçını heyətə qaytarmağı lazım bilməyib.

Qolkiper aprelin 11-də baş tutan İsveçlə matçdan əvvəl baş məşqçinin qərarı ilə komandadan uzaqlaşdırılmışdı.

Qeyd edək ki, Bakı İdman Sarayında keçiriləcək Azərbaycan - Xorvatiya görüşünün start fiti saat 20:00-da səsləndiriləcək.