Ucarda içərisində 17 ədəd soyuducu olan ərzaq mağazası yanıb

Ucar rayonunun Alpout kəndində ümumi sahəsi 500 kvadratmetr olan mağazanın yanar konstruksiyaları 440 m² sahədə, içərisində olan ərzaq, geyim malları və 17 ədəd soyuducu yanıb.

Bu barədə Fövqəladə Hallar Nazirliyi (FHN) məlumat yayıb.

Qeyd olunub ki, yüksək temperaturdan mağazanın qarşısında dayanan QAZ markalı yük avtomobilinin ön farası və güzgüsü qismən əriyib.

Mağazanın qalan hissəsi və yük avtomobili yanğından mühafizə olunub. Yanğın yanğından mühafizə bölmələri tərəfindən söndürülüb.