Akademiya rəhbəri: İranda dərsliklərin, təhsil sisteminin yenilənməsi zəruridir
İranda dərsliklərdə dəyişikliklərin edilməsi təbii, qaçılmaz, vacib, təhsil sisteminin yenilənməsi zəruri məsələdir.
“Report” xəbər verir ki, bunu İranın Fars Dili və Ədəbiyyatı Akademiyasının rəhbəri, parlamentin keçmiş sədri Qulaməli Həddad Adil SNNTV-yə müsahibəsində deyib.
O, təhsildə dəyişikliklərin ölçülü-biçili, məqsədyönlü olmasının və zəruriliyinin vacibliyini söyləyib : “Dəyişiklik akademik və dərsliklər daxil olmaqla bütün sahələrdə həmişə baş verən bir fenomendir”.
Fars Dili və Ədəbiyyatı Akademiyasının başçısı bildirib ki, təxminən 60 il əvvəl Tehran Universitetinin tələbəsi olub: “Bu gün həmin ixtisasa qayıtsam, mütləq tamam başqa kitablarla rastlaşardım”.
O, bu səbəbdən istər məktəblərdə, istərsə də ali məktəblərdə təhsilin məzmununda dəyişikliklər elmin inkişafı, tədris metodlarının, tədris vasitələrinin inkişafı ilə bağlı daim baş verən təbii və zəruri prosesdir.
Qulaməli Həddad Adil dünyada dərsliklərin orta ömür sürdüyünü və daim yeniləndiyini qeyd edib: “Heç bir ölkədə kitab onilliklər boyu dəyişməz qalmır”.
Parlamentin keçmiş sədri təhsil sistemindəki idarəetməni tənqid edərək vurğulayıb ki, dərsliklərdə ediləcək dəyişikliklər icra strukturlarının rəhbərliyindəki dəyişikliklərə bənzəməməlidir: “Dəyişikliklər elmi və maarifləndirici səbəblərə əsaslanmalıdır”.
Xatırladaq ki, Qulaməli Həddad Adil fars düşüncə sisteminin müasir dövrdə əsas ideoloqlarındandır. Mütəxəssislər hesab edirlər ki, o, yeni dərsliklərdən bəhs etsə də, məktəblərdə fars olmayanların ana dilində təhsil almasından danışmayıb. Qulaməli Həddad Adil bu istiqamətdə dərsliklərin hazırlanmasından söz açmamaqla ölkə konstitusiyasının 15-ci və 19-cu maddələrinin icralarını görməzlikdən gəlib. Halbuki İranın indiki vəziyyətində cəmiyyətin birliyi üçün bu kimi maddələrin icrası daha vacib sayılır.
“Report” xəbər verir ki, bunu İranın Fars Dili və Ədəbiyyatı Akademiyasının rəhbəri, parlamentin keçmiş sədri Qulaməli Həddad Adil SNNTV-yə müsahibəsində deyib.
O, təhsildə dəyişikliklərin ölçülü-biçili, məqsədyönlü olmasının və zəruriliyinin vacibliyini söyləyib : “Dəyişiklik akademik və dərsliklər daxil olmaqla bütün sahələrdə həmişə baş verən bir fenomendir”.
Fars Dili və Ədəbiyyatı Akademiyasının başçısı bildirib ki, təxminən 60 il əvvəl Tehran Universitetinin tələbəsi olub: “Bu gün həmin ixtisasa qayıtsam, mütləq tamam başqa kitablarla rastlaşardım”.
O, bu səbəbdən istər məktəblərdə, istərsə də ali məktəblərdə təhsilin məzmununda dəyişikliklər elmin inkişafı, tədris metodlarının, tədris vasitələrinin inkişafı ilə bağlı daim baş verən təbii və zəruri prosesdir.
Qulaməli Həddad Adil dünyada dərsliklərin orta ömür sürdüyünü və daim yeniləndiyini qeyd edib: “Heç bir ölkədə kitab onilliklər boyu dəyişməz qalmır”.
Parlamentin keçmiş sədri təhsil sistemindəki idarəetməni tənqid edərək vurğulayıb ki, dərsliklərdə ediləcək dəyişikliklər icra strukturlarının rəhbərliyindəki dəyişikliklərə bənzəməməlidir: “Dəyişikliklər elmi və maarifləndirici səbəblərə əsaslanmalıdır”.
Xatırladaq ki, Qulaməli Həddad Adil fars düşüncə sisteminin müasir dövrdə əsas ideoloqlarındandır. Mütəxəssislər hesab edirlər ki, o, yeni dərsliklərdən bəhs etsə də, məktəblərdə fars olmayanların ana dilində təhsil almasından danışmayıb. Qulaməli Həddad Adil bu istiqamətdə dərsliklərin hazırlanmasından söz açmamaqla ölkə konstitusiyasının 15-ci və 19-cu maddələrinin icralarını görməzlikdən gəlib. Halbuki İranın indiki vəziyyətində cəmiyyətin birliyi üçün bu kimi maddələrin icrası daha vacib sayılır.
