Qubada baş verən yol-nəqliyyat hadisəsi zamanı xəsarət alan şəxsin son vəziyyəti açıqlanıb.
Tibbi Ərazi Bölmələrini İdarəetmə Birliyindən (TƏBİB) bildirilib ki, ona bədənin bel və sağrı nahiyəsinin əziyi diaqnozu təyin edilib.
"Martın 11-i, saat 8:16-da Quba rayonunda baş verən yol qəzası nəticəsində xəsarət alan 1974-cü il təvəllüdlü şəxs (qadın cinsli) Quba Rayon Mərkəzi Xəstəxanasının Təcili və təxirəsalınmaz tibbi yardım şöbəsinə hospitalizasiya edilib.
Hazırda müalicəsi Travmatologiya şöbəsində davam etdirilir. Vəziyyəti stabil qiymətləndirilən şəxsin yaxın günlərdə ambulator müalicəyə buraxılması nəzərdə tutulub", - deyə məlumatda bildirilir.
* * * * *
Qubada yol-nəqliyyat hadisəsi baş verib.
Hadisə bu gün səhər saatlarında qeydə alınıb.
Belə ki, Quba Rayon Mərkəzi Xəstəxanasının Pediatriya şöbəsinin müdiri Röya Bəhruz qızı Sultanova idarə etdiyi "Kia Sportage" markalı avtomobillə işə gedərkən, Əliqulu Nərimanov küçəsində yol keçmək istəyən 51 yaşlı fizika müəlliməsi Şəlalə Əli qızı Ağayevanı vurub.
Piyadanın bud sümüyü sındığına görə vəziyyəti ağır qiymətləndirilir.
Faktla bağlı Quba Rayon Polis Şöbəsinin istintaq bölməsində araşdırma aparılır.
Şahidi olduğunuz hadisələri çəkib bizə göndərin!
Son Əlavə