"Kişineu ötən ilin payızında ölkəyə gələn Rusiya səfirinin etimadnaməsini hələ də qəbul etməməklə "Diplomatik münasibətlər haqqında" Vyana Konvensiyasının normalarını pozmayıb".
Bu barədə Moldova Xarici İşlər Nazirliyinin mətbuat xidmətinin yayımladığı bəyanatda qeyd olunub.
Bəyanatda həmçinin bildirilib ki, Moldova Vyana Konvensiyasının pozulması ilə bağlı hər hansı eyhamı rədd edir və diplomatik münasibətlər sahəsində beynəlxalq normalara hörmətlə bağlı öhdəliyini bir daha təsdiqləyir.
Xatırladaq ki, ötən gün Rusiya Xarici İşlər Nazirliyi (XİN) Moldova səfiri Lilian Dariyə nota təqdim edib.
Səfirdən Moldova Prezidenti Maya Sandunun Rusiyanın Kişineudakı səfirinin etimadnaməsini hələ də qəbul etməməsi ilə bağlı izahat tələb olunub.
XİN-in məlumatına görə, Moldova hələ 2024-cü ilin oktyabrında ölkəyə gəlmiş Rusiya səfiri Oleq Ozerovun etimadnaməsini qəbul etməyərək, 1961-ci il tarixli Vyana Konvensiyasını pozur.
Şahidi olduğunuz hadisələri çəkib bizə göndərin!
Son Əlavə