Şimali Afrikada ilk dəfə qədim insan məskəni tapılıb

Barselona universitetinin arxeoloqları Afrikanın şimal sahilində geniş bir bölgə olan Məqribdə ilk Tunc dövrünə aid insan məskəni tapıblar.

Yaxın vaxtlara qədər bu ərazi eramızdan əvvəl 800-cü ildə finikiyalılar tərəfindən məskunlaşana qədər boş torpaq sayılıb.

Mərakeşin şimal-qərbindəki Kah-Kuc yerində aparılan qazıntılar eramızdan əvvəl 2200-600-cü illərə aid bir kənd aşkar edib. Məlum olub ki, ərazi Misirdən sonra ən erkən insan məskənidir.

Kah-Kuç qəsəbəsi Lau çayı yaxınlığında təxminən bir hektar ərazini əhatə edib. Müasir sahildən 10 kilometr aralıda, Cəbəllütariq boğazından çox da uzaqda olmayıb. Arxeoloqlar məskunlaşmanın müxtəlif mərhələlərini aşkar ediblər. Birincisi, eramızdan əvvəl 2 200-cü ildən 2 000-ci ilə qədər, bu torpağın insanlar tərəfindən ilk işlənməsi dövrüdür.

İkinci mərhələ, eramızdan əvvəl 1300-900-cü illəri əhatə edir. Qəsəbənin tarixində parlaq bir dövr olub, Kaç-Kuçda sabit kənd təsərrüfatı icması yaranıb və bu, Finikiyaların Məqribdə mövcudluğundan əvvəl məskunlaşmış həyatın ilk dəqiq sübutudur.

Eramızdan əvvəl 800-600-cü illəri əhatə edən üçüncü mərhələ Kah-Kuç xalqının çevikliyini və uyğunlaşma qabiliyyətini nümayiş etdirib. Bu dövrdə Şərqi Aralıq dənizindən dulusçuluq, dəmir alətlər və daşdan istifadə etməklə yeni memarlıq ənənələri kimi bir sıra mədəni yeniliklər təqdim edilib.скачать dle 11.3

Şahidi olduğunuz hadisələri çəkib bizə göndərin!